Ayuntamiento de Orense

Descrición

Na "Carpeta Cidadá" poderá realizar as seguintes operacións:

• Xestionar recibos e multas.
• Pagar recibos e multas.
• Autoliquidar impostos.

O Concello incorporará progresivamente novas prestacións que amplíen esta vía de comunicación entre a cidadanía e o Concello.

Acceso con Certificado Electrónico

Para ter acceso aos servizos persoais que ofrece a "Carpeta Cidada" pode utilizarse o Dni electrónico ou un certificado dixital admitido polo sistema. Se vostede dispón dun dos certificados admitidos, unicamente deberá acceder á Web de Carpeta Cidadá e facer link na imaxe do Dnie ou no enlace co texto "Acceso con Certificado Dixital"; o sistema entón pediralle que se identifique co seu certificado, unha vez que faga dito paso, vai a mostrarse unha pantalla cunha redacción de condicións que terá que aceptar para ter acceso aos servizos persoais de Carpeta Cidadá.

Acceso con Claves

Pode que se dea o caso de que vostede non dispoña de ningún dos certificados admitidos. Se ese é o seu caso, para poder acceder á Carpeta Cidadá é necesario dispor dun código e unha clave de acceso. Eses datos de acceso só serán validos para a "Carpeta Cidadá"

Para poder dispor dos códigos de acceso, deberá seleccionar o botón "TRAMITAR" que se atopa na parte superior e inferior desta páxina. Ao facer isto abandonará a Sede Electrónica e accederá ao formulario de Carpeta Cidada de solicitude de claves de acceso.

Unha vez recibida a súa solicitude, o Concello comprobará os seus datos e enviaralle unha mensaxe de correo electrónico, indicándolle o lugar e a data a partir da cal vostede pode achegarse as dependencias municipais a recoller as súas claves de acceso. Recorde que deberá acudir coa documentación que se indica nas seguintes liñas.

Dirixido a

Calquer persona física maior de idade que dispoña de plena capacidade xurídica para actuar.

Documentación requirida

Cando acuda a Oficina Municipal deberá levar consigo a seguinte documentación:

• Coa finalidade de protexer o acceso aos datos confidenciais contidos na Carpeta Cidadá, deberá aportar o orixinal e a copia da súa documentación persoal (DNI, tarxeta de residencia ou NIE en formato carné)
• Deberá acudir co documento ''Condicións para a utilización do servizo Carpeta Cidadá do Portal Web do Concello de Ourense'' asinado. No caso de non ser posible que vostede imprima ditas condicións, o Concello proporcionaralle o documento que vostede deberá ler e asinar.
• No caso de que faga a solicitude unha terceira persoa en nome do interesado, deberá aportarse o orixinal e a fotocopia dun poder notarial expreso para a súa solicitude. Ademais, tamén deberase aporta unha fotocopia da documentación persoal que identifica o solicitante (DNI, NIE ou Permiso de Residencia) e orixinal e fotocopia da documentación persoal que identifica o autorizado (DNI, NIE o Permiso de Residencia)
• No caso de que vostede represente a algunha entidade xurídica (empresas, asociacións,...) deberá proporcionar documento que acredite a representación.

Descrición

Para o acceso a zona histórica é necesario dispor dunha tarxeta magnética e un distintivo no que constará a matrícula do vehículo autorizado.

Dirixido a

• Residentes na Zona Histórica
• Propietarios non residentes de inmobles sitos na Zona Histórica
• Garaxes sitos na Zona Histórica
• Comerciantes que desenvolvan a súa actividade na Zona Histórica
• Servizos Especiais (Bombeiros, Ambulancias, Servizos Médicos, Policías, Limpezas Municipais..)
• Servizos de transporte urxente e empresas de mensaxería que necesiten acceder o Casco Histórico fora do horario de carga e descarga

Como facelo

Tramitación Electrónica

As persoas obrigadas polo artigo 14.2 da Lei 39/2015 a relacionarse a través de medios electrónicos coa Administración, deberán seleccionar este método de tramitación, non sendo válida para elas un método diferente de tramitación.

Para presentar a solicitude de maneira electrónica, debe:

1. Descargar e cubrir o modelo de "Solicitude de autorización de acceso de vehículos á zona histórica".
2. Reunir o resto de documentación requirida e aquela outra que vostede desexe incluír coa súa solicitude. Debe ter en conta que o rexistro electrónico admite:
   • un máximo de 15 documentos
   • no formato PDF
   • un tamaño máximo por documento de 8.00 MB
3. Realizar a sinatura electrónica de todos os documentos (modelo de solicitude e demais documentos). A Sede Electrónica municipal non está habilitada para a sinatura electrónica de documentación, polo que o proceso de sinatura electrónica debe ser realizado no ordenador do solicitante. No caso de necesitar información sobre como realizar a sinatura electrónica de documentos, pode consultar a "Guía para realizar a sinatura electrónica de documentos (PDF)".
4. No caso de non telo feito antes, deberá identificarse na Sede empregando un certificado electrónico ou outro dos métodos de validación de Cl@ve. Logo da identificación atoparase no seu espazo persoal da Sede.
5. Acceder ao “Rexistro electrónico” e seleccionar a "Acceso de vehículos á zona histórica"
6. Engadir toda a documentación, que tal e como se indicou no paso 3 debe estar asinada co seu certificado dixital.
7. Enviar a solicitude.

Feito o envío obterá un xustificante de rexistro de entrada no Concello.

Tramitación Presencial

No caso de tratarse dunha persoa física pode optar por realizar a tramitación electrónica explicada nos parágrafos anteriores, ou realizar a tramitación presencial.

Para a tramitación presencial, debe presentar a solicitude e o resto de documentación en:

• Rexistro Xeral

Praza Maior nº 1

32005 Ourense

Teléfono: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luís Fernández s/n (Edificio Praza de Abastos da Ponte)

32001 Ourense

Teléfono: 988 511 442

Horario: De luns a venres de 9:00 a 14:00 horas.

Tamén poderá presentar a solicitude nas formas previstas no artigo 16.4 da Lei 39/2015 do 1 de outubro.

Modelos de solicitude dispoñibles

• Solicitude de autorización de acceso de vehículos á zona histórica.

Documentación requirida

Residentes propietarios

• Fotocopia DNI
• Fotocopia permiso de circulación.
• Ficha técnica do vehículo.

É requisito imprescindible estar empadroado no Centro Histórico e estar ao corrente do IBI da vivenda, ditos requisito serán comprobados polo Concello.

Residentes non propietarios

• Fotocopia DNI
• Fotocopia permiso de circulación.
• Fotocopia do contrato de aluguer.
• Ficha técnica do vehículo.

É requisito imprescindible estar empadroado no Centro Histórico, dito requisito de empadroamento comprobarao o Concello.

Propietarios non residentes

• Fotocopia DNI.
• Fotocopia de permiso de circulación.
• Ficha técnica do vehículo.

O Concello verificará se está ao corrente do IBI da vivenda.

Garaxes propios

• Fotocopia DNI.
• Fotocopia permiso de circulación.

O Concello verificará se está ao corrente do IBI do garaxe.

Garaxes arrendados

• Fotocopia DNI
• Fotocopia permiso de circulación.
• Fotocopia do contrato de aluguer do garaxe.
• Ficha técnica do vehículo.

Comerciantes

• Fotocopia DNI.
• Fotocopia permiso de circulación.
• Ficha técnica do vehículo.

O Concello comprobará a licenza de apertura de obra e establecemento ou aquela que a substitúa, conforme á lexislación vixente en cada momento.

Servizos especiais

• Documento acreditativo do Servizo
• Fotocopia do permiso de circulación.
• Ficha técnica do vehículo.

Transportes urxentes ou empresas de mensaxería

• Fotocopia DNI
• Fotocopia permiso de circulación
• Documento que acredite a realización de servizos de carácter urxente.
• Ficha técnica do vehículo.

Oficinas tramitadoras

Normativa

• Lei 7/1985, de 2 de abril, Reguladora das Bases de Régimen Local.
• Decreto 17/2007, de 8 de febreiro, da Xunta de Galicia polo que se declara ben de interés cultural, coa categoría de sitio histórico, o conxunto de fontes termais de As Burgas e o seu entorno delimitado, no Concello de Ourense. Publicación BOE. Publicación DOG

Normativa municipal:

• Ordenanza Municipal de Tráfico e Circulación

Descrición

A "Apertura/modificación de ficha de terceiro e pagamento por transferencia" é un procedemento a través do cal facilitase ao Concello un número de conta bancaria.

A "Apertura/modificación de ficha de terceiro e pagamento por transferencia" debe ser solicitada por aquelas persoas físicas o xurídicas que teñan dereito a percibir algún pago (subvención, factura, certificación,..) por parte do Concello e en xeral calquera outro acredor. A solicitude debe presentarse previamente á presentación no Concello de calquera factura ou con anterioridade a calquera pago que o Concello poida ter co solicitante.

Deberá presentarse unha solicitude sempre e cando o interesado desexe cambiar a conta a través da cal a Administración abone os pagos que tivesen lugar.

Como facelo

Pódese presentar modelo de solicitude en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luis Fernández s/n (Edificio Praza de Abastos da Ponte)

32001 Ourense

Tfno: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artígo 16.4 da Lei 39/2015 de 1 de outubro..

Modelos de solicitude dispoñibles

• Modelo de solicitude de apertura/modificación de ficha de terceiro e pagamento por transferencia

Documentación requirida

• O "Modelo de solicitude de apertura/modificación de ficha de terceiro e pagamento por transferencia" debidamente cumprimentado, cos datos do interesado ou razón social e datos bancarios, debendo levar el selo de conformidade da entidade bancaria correspondente. Dita solicitude debe estar asinada polo interesado ou persoa con poderes de empresa, facendo constar o seu nome e DNI así como cargo que ostenta (Xerente, Administrador,...)

Oficinas tramitadoras

Descrición

Axudas municipais destinadas á atención de necesidades sociais, entendendo por tales o conxunto de axudas e prestacións económicas de carácter non periódico, destinadas a resolver ou paliar, por si mesmas ou complementariamente con outros recursos ou prestacións, situacións de emerxencia social para previr situacións de exclusión social e favorecer a plena integración social dos sectores de poboación que carecen de recursos económicos propios para a atención das súas necesidades básicas.

Formas de iniciación

Á instancia da persoa interesada

Requisitos xerais

As persoas solicitantes das axudas deben cumprir cos seguintes requisitos:

• Ser maior de 18 anos ou estar emancipada legalmente ou, no seu lugar, ter iniciado o trámite legal de emancipación.
• Estar empadroada no termo municipal de Ourense cunha antelación mínima de 3 meses á solicitude, excepto aquelas persoas solicitantes que estean acollidas en recursos de aloxamento institucional e as persoas transeúntes que se atopen en situación de extrema urxencia.
• Aceptación expresa, por parte da persoa usuaria, das condicións que figuren no proxecto de intervención social individual ou familiar.
• Que o cómputo total dos ingresos anuais da unidade familiar de que forma parte a persoa solicitante sexan:
  • Familia de 1 membro: 75% do SMI
  • Familia de 2 membros : 85% do SMI
  • Familia de 3 membros : 95% do SMI
  • Familia de 4 membros : 105% do SMI

Incrementándose un 10% do SMI por cada membro máis da unidade familiar.

• Non dispoñer de bens mobles ou inmobles, distintos á vivenda habitual, sobre os que posúa un dereito de propiedade, posesión, usufruto ou calquera outro que, polas súas características, valoración, posibilidade de explotación ou venda, indique a existencia de medios suficientes para atender a necesidade para a que se solicita a axuda.
• Non ter acceso a outras axudas doutras administración públicas ou recursos propios que cubran a totalidade da necesidade para a que se solicita a prestación.
• Non ter solicitado ningún membro da unidade familiar axuda económica municipal no ano natural, salvo naqueles casos excepcionais nos que por necesidade sobrevida requiran de atención urxente e inmediata.

Efectos do silencio

Transcorrido o prazo máximo de tres meses contado dende a data de entrada da solicitude no Concello de Ourense, sen que se producira a resolución expresa e notificada esta, a persoa interesada poderá entender desestimada a súa petición por silencio administrativo.

Prazo de resolución

A resolución correspóndelle ao/a concelleiro/a delegado/a, e deberá producirse no prazo máximo de tres meses contado dende a data de entrada da solicitude no Concello de Ourense.

En todo caso, a axuda concederase en función dos créditos dispoñibles neste concello para estas prestacións. Polo tanto, non bastará para recibir a axuda con que a persoa interesada reúna os requisitos e condicións anteriormente sinalados, senón que será necesario, ademais, que a súa petición poida ser atendida tendo en conta as dotacións orzamentarias existentes.

Impugnación

Contra a resolución poderase interpor alternativamente un recurso de reposición potestativo ante o mesmo órgano que ditou o acto, no prazo dun mes, a contar dende o día seguinte ao da recepción da notificación, ou ben interpoñer directamente un recurso contencioso-administrativo ante o Xulgado Contencioso Administrativo de Ourense no prazo de 2 meses, a contar dende o día seguinte ao da recepción da notificación.

Dirixido a

Estas prestacións estarán destinadas a persoas ou unidades de convivencia que se atopen nunha situación de marxinación social e necesidade material de acordo cos baremos obxectivos legal ou regulamentariamente establecidos.

Como facelo

A solicitude e documentación a achegar pódese presentar en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luís Fernández s/n (Edificio Praza de Abastos da Ponte)

32001 Ourense

Tfno: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artigo 16.4 da Lei 39/2015 de 1 de outubro.

Modelos de solicitude dispoñibles

• Modelo de declaración responsable de ingresos para solicitar "Axudas económicas municipais para a atención de necesidades sociais"
• Modelo de orzamento de leite maternizada
• Modelo de solicitude de apertura/modificación de ficha de terceiro e pagamento por transferencia
• Modelos de autorización para a obtención de datos para a tramitación dos procedementos da área de Asuntos Sociais
• Solicitude de Axudas Económicas Municipais para a Atención de Necesidades Sociais

Documentación requirida

• Solicitud de Ayudas Económicas Municipais para la Atención de Necesidades Sociales, segundo o modelo oficial, debidamente cuberta.
• Declaración responsable de ingresos da unidade familiar.
• Solicitude de apertura/modificación da ficha de terceiro e pagamento por transferencia (Documento para a domiciliación bancaria).
• Fotocopia da declaración da renda ou certificado negativo de Facenda, no caso de non autorizar á súa consulta.
• Fotocopia do libro de familia.
• Fotocopia do DNI da persoa solicitante e dos maiores de 16 anos da unidade familiar ou documentación acreditativa da identidade, no caso de non autorizar a súa consulta.
• Fotocopia da tarxeta de desemprego ou mellora de emprego das persoas maiores de 16 anos, no caso de non autorizar a súa consulta.
• Certificado do SPEE que acredite que perciben prestación por desemprego todos os membros adultos da unidade familiar, no caso de non autorizar a súa consulta.
• Certificado de altas e baixas da Seguridade Social dos membros adultos da unidade familiar (vida laboral), no caso de non autorizar a súa consulta.
• Certificados de percibir ou non pensións da administración pública, no caso de non autorizar a súa consulta.
• Fotocopia do contrato de traballo e das dúas últimas nóminas dos maiores de 16 anos que realicen actividade laboral.
• Xustificante da demanda.
• Outros documentos específicos segundo as circunstancias ou necesidade.
• Calquera outra documentación que para a correcta valoración da súa solicitude lle poida ser requirida durante a súa tramitación.

Comprobarase de oficio no Padrón municipal os datos do solicitante e das demais persoas que con el convivan.

Oficinas tramitadoras

Normativa

• Lei 13/2008, do 3 de decembro, de servizos sociais de Galicia
  

Normativa municipal

• Ordenanza reguladora de Axudas Económicas Municipais para a atención de necesidades sociais

Descrición

As axudas de inclusión social (AIS) son prestacións económicas non periódicas que teñen como finalidade posibilitar ou reforzar os procesos de inclusión social das persoas ou familias en situación de exclusión social ou de risco de exclusión social, así como atender as situacións de grave emerxencia de persoas ou familias vulnerables que poidan desencadear un proceso de exclusión social.

Formas de iniciación.

Á instancia da persoa interesada.

Requisitos xerais

• Ser maior de idade.
• Estar empadroada e ter residencia efectiva en calquera dos concellos da Comunidade Autónoma de Galicia.
• Ter constituído unha unidade de convivencia independente.
• Non dispoñer de ingresos suficientes para afrontar os gastos derivados da situación de emerxencia.

Efectos do silencio

Entenderanse desestimadas aquelas solicitudes de concesión das axudas de inclusión social en que non se notificase resolución expresa no prazo de dous meses desde a entrada da solicitude da axuda en calquera dos rexistros do órgano competente para resolver

Prazo de resolución

O órgano competente de ámbito provincial da Administración autonómica elaborará a correspondente proposta de resolución e ditará a resolución, que deberá ser notificada no prazo de dous meses desde a entrada da solicitude da axuda en calquera dos rexistros do órgano competente para resolver.

Impugnación

Contra as resolucións ditadas polos órganos de resolución poderase interpor, no prazo dun mes, recurso de alzada ante o órgano administrativo competente.

Dirixido a

Persoas que o Sistema galego de servizos sociais valore como persoas en situación ou risco de exclusión social.

Criterios para a valoración técnica da situación de exclusión social ou de risco de exclusión social:

Verificarase a ausencia ou déficit grave de recursos económicos e a situación de desemprego, así como a concorrencia dalgún dos factores de exclusión seguintes, cando esa condición supoña especiais dificultades de integración social ou laboral:

• Estar nunha situación de cargas familiares non compartidas.
• Estar en proceso de rehabilitación social, como resultado dun programa de deshabituación de substancias adictivas ou de calquera outra adicción que produza efectos persoais e sociais de natureza semellante.
• Ter a condición de muller vítima de violencia de xénero.
• Ser unha persoa vítima de violencia doméstica.
• Ter unha discapacidade valorada superior ao 33 %.
• Ser inmigrante ou emigrante retornado.
• Proceder de institucións de protección ou reeducación de menores.
• Proceder de cumprimento de pena nunha institución penitenciaría.
• Ser unha persoa sen fogar ou habitar nunha infravivenda.
• Pertencer a unha minoría étnica.
• Estar en proceso de abandono do exercicio da prostitución ou ser vítima de explotación sexual-laboral en redes de prostitución ou de trata de persoas.
• Ter a condición de persoa transexual ou estar en proceso de reasignación sexual.

Calquera outro factor non previsto expresamente neste artigo sempre que, ponderado polos servizos sociais comunitarios no contexto persoal, familiar e social da persoa, condicione negativa e gravemente a súa inclusión social e laboral. Esta ponderación poderá ser tamén obxecto de avaliación por parte dos técnicos da Comunidade Autónoma.

Como facelo

A solicitude e documentación a achegar pódese presentar en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luís Fernández s/n (Edificio Praza de Abastos da Ponte)

32001 Ourense

Tfno: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artigo 16.4 da Lei 39/2015 de 1 de outubro.

Modelos de solicitude dispoñibles

• Modelos de autorización para a obtención de datos para a tramitación dos procedementos da área de Asuntos Sociais
• Solicitude das Axudas de Inclusión Social (AIS)

Documentación requirida

• Solicitude das Axudas de Inclusión Social (AIS)

Ademais da “Solicitude das Axudas de Inclusión Social (AIS)” que está dispoñible desde a sección “Modelos de solicitude dispoñibles” o resto da documentación que debe ser presentada pode atoparse en: https://sede.xunta.gal/detalle-procedemento?codtram=BS618D e é a seguinte:

• Solicitude segundo o Anexo I. (Modelo de solicitude dispoñible desde https://sede.xunta.gal/detalle-procedemento?codtram=BS618D)
• Copia do DNI ou NIE da persoa solicitante, só no caso de non autorizar a súa consulta.
• Copia do DNI ou NIE das persoas que integran a unidade familiar, só no caso de non autorizar a súa consulta no Sistema de verificación de datos de identidade no Anexo II.
• Copia do libro de familia, só no caso de menores integrantes da unidade familiar sen DNI.
• Certificado de residencia da persoa solicitante, no caso de non autorizar a consulta.
• Certificado de residencia das persoas que integran a unidade familiar, só no caso de non autorizar a súa consulta no Anexo II.
• Certificación de convivencia
• Certificación de titularidade de bens inmobles, só no caso de denegar a súa consulta.
• Copia do último recibo do imposto de bens inmobles, só no caso de vivenda familiar en propiedade.
• Certificado das prestacións e importes que figuran no Rexistro de Prestacións Sociais Públicas da persoa solicitante, só no caso de non autorizar a súa consulta.
• Certificado das prestacións e importes que figuran no Rexistro de Prestacións Sociais Públicas das persoas que integran a unidade familiar, só no caso de non autorizar a súa consulta no Anexo II.
• Extracto de movementos de todas as contas bancarias das que sexan titulares calquera das persoas que integran a unidade familiar que inclúan os doce meses anteriores á formulación da solicitude.
• Informe emitido polo/a facultativo/a do Servizo Galego de Saúde nos casos nos que se solicite unha axuda de inclusión social que teña que ver coa saúde da persoa solicitante ou coa persoa menor de idade ao seu cargo.
• Orzamento de gastos para os que se solicita a axuda.
• Copia do título de discapacidade ou solicitude de revisión do grao da persoa solicitante, cando proceda e só no caso de non autorizar a súa consulta ou cando este fora emitido por outra comunidade autónoma.
• Copia do título de discapacidade ou solicitude de revisión do grao das persoas que integran a unidade familiar, cando proceda e só no caso de non autorizar a súa consulta no Anexo II ou cando este fora emitido por outra comunidade autónoma.
• Copia da declaración da renda ou datos fiscais relativos ao último exercicio da persoa solicitante, só no caso de non autorizar a súa consulta.
• Copia da declaración da renda ou datos fiscais relativos ao último exercicio das persoas que integran a unidade familiar, só no caso de non autorizar a súa consulta no Anexo II.
• Documentación acreditativa da titularidade de vehículos da persoa solicitante, só no caso de non autorizar a súa consulta.
• Documentación acreditativa da titularidade de vehículos, das persoas que integran a unidade familiar, só no caso de non autorizar a súa consulta no Anexo II.
• Documentación mínima que deben achegar os servizos sociais comunitarios do concello de residencia da persoa solicitante:
  • Informe de valoración social con proposta de idoneidade da Axuda de inclusión social que solicita.
  • Proposta de proxecto de traballo social ou socioeducativo.

Oficinas tramitadoras

Normativa

• Lei 13/2013, do 27 de novembro, de inclusión social de Galicia (DOG nº 249 do 31 de decembro de 2013).
• Orde do 26 de maio de 2015 pola que se aproba o modelo de informe social para a área da inclusión (ISI) e a súa utilización no ámbito da Comunidade Autónoma de Galicia (DOG nº 131 do 14 de xullo de 2015).
• Decreto 14/2019, do 31 de xaneiro, de desenvolvemento da Lei 10/2013, do 27 de novembro de inclusión social de Galicia e das axudas de inclusión social (DOG nº 43 do 1 de marzo de 2019)

Descrición

Estas axudas teñen por obxecto apoiar económicamente ás unidades de convivencia empadronadas no Concello de Ourense para a compra de libros e material escolar e comedores escolares.

Dirixido a

Son destinatarios desta convocatoria, nos termos do artigo 4 das bases xerais reguladoras, as unidades de convivencia en desvantaxe social e con menor poder adquisitivo residentes no Concello de Ourense que, na data en que remate o prazo de presentación de solicitudes cumpran os requisitos do citado artigo, entre outros:

• Estar empadroados no Concello de Ourense, con tres meses mínimo de antigüidade, todos os membros da unidade de convivencia.
• Non superar os 3.500 € de renda per capita anual. Computarase un membro máis no caso de presentar algún deles unha discapacidade igual ou superior ao 33%, e tamén no caso de ser familia monoparental (enténdese por familia monoparental a constituída por unha soa persoa proxenitora ou titor/a con que convive o/a neno/a, e que sexa a única sustentadora da familia).

Como facelo

Electrónicamente

Para presentar a solicitude de maneira electrónica, vostede deberá:

• Cubrir a instancia normalizada (Anexo II).
• Recompilar o resto de documentación que queira a aportar.
• Asinar electrónicamente todos os documentos (instancia e demáis documentos) a engadir coa súa solicitude. A Sede Electrónica municipal non está habilitada para a sinatura electrónica de documentación, así que os documentos deben ser asinados electrónicamente no seu equipo. No caso de necesitar información sobre como asinar electrónicamente un documento no seu equipo, pode consultar o documento "Guía para realizar a sinatura electrónica de documentos PDF"
• Identificarse na Sede.
• Acceder ao "Rexistro electrónico" e tramitar unha solicitude do tipo "Axudas para adquisición de libros de texto e material escolar e para comedor escolar".
• Engadir a documentación asinada electrónicamente.
• Enviar a solicitude.

Feito o envío obterá xustificante de rexistro de entrada no Concello.

Presencialmente

A solicitude e documentación a achegar pódese presentar en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

Tamén pódese presentar nas formas previstas no artigo 16.4 da Lei 39/2015 de 1 de outubro.

Modelos de solicitude dispoñibles

• Axuda de libros e comedores. Autorización de consulta de datos
• Axudas de libros e comedores. Desestimación ou renuncia
• Instancia de solicitude de axuda de libros e comedores

Documentación requirida

A documentación preceptiva a presentar, según a situación da unidade familiar, é a seguinte:

• Modelo normalizado de solicitude completamente cuberto (anexo I), no que se especificará o nome do(s)/da(s) neno(s)/a(s), o centro escolar e o curso para o que se solicita a bolsa, asinado pola persoa solicitante
• Declaración responsable segundo anexo II
• Fotocopia dos DNI (maiores de 14 anos)/NIE/pasaporte (en vigor) de todos os membros da unidade de convivencia e do(s) libro(s) de familia completo (ou, no seu defecto, documentación que o substitúa)
• Fotocopia da declaración do IRPF (ou, no seu caso, documentación fiscal e laboral acreditativa dos rendementos netos) do exercicio anterior ao da convocatoria correspondente, de cada un dos membros computables da unidade de convivencia. Aqueles que estean estudando e sexan maiores de 16 anos, certificado do centro de estudos no que se faga constar esta situación. As persoas perceptoras de pensións deberán presentar obrigatoriamente o certificado de pensión. En caso de non estar obrigado a presentar a declaración do IRPF deberá achegar a seguinte documentación de cada un dos membros da unidade familiar maiores de 16 anos: Certificado de empresa de todas as empresas nas que traballou no exercicio fiscal anterior, se hai máis dunha, ou outros documentos que acrediten os ingresos obtidos nese ano; certificado do SEPE do cobro ou non de prestacións durante o exercicio anterior, cando proceda; xustificante de pensión do exercicio anterior, de ser pensionista (xubilación, invalidez, viuvez, orfandade, favor familia, ...).
• Impreso de autorización para a obtención de datos que corresponda, de todas as persoas empadroadas no mesmo domicilio e que formen parte da unidade de convivencia (anexo II) As persoas non obrigadas a declarar presentarán igualmente esta autorización. É obriga e responsabilidade das familias estar ao día nos seus datos fiscais ante a Axencia Tributaria. Non se tomarán en conta os datos fiscais das familias sobre as que Facenda non certifique o peche do ano fiscal correspondente ou non estean dados de alta na AEAT
• Informe de vida laboral completo e actualizado da Tesourería da Seguridade Social, de todos os membros computables maiores de 16 anos. En caso de telo solicitado, presentarase a copia do resgardo da solicitude e o informe axuntarase á solicitude en canto sexa emitido e recibido. As persoas que teñan a condición de empregados da administración pública ou profesionais, e a súa vida laboral se rexa por entidades distintas á Seguridade Social (MUFACE, ISFAS, MUNPAL, MUTUALIDADE XERAL DA ABOGACÍA, etcétera), deberán presentar certificación que substitúa á da vida laboral
• Xustificante de ingresos da prestación de RISGA, no caso de tere sido beneficiario no ano anterior ao da convocatoria
• No caso de separación ou divorcio legal, copia da sentenza e do convenio regulador, así como xustificantes bancarios das achegas económicas establecidas na sentenza. En situacións de impago, copia da solicitude de execución de setenza presentada ante o xulgado ou xustificante de inicio das actuacións.
• En caso de unións de feito nas que non exista convivencia, sentenza de garda, custodia e alimentos, así como xustificante das achegas económicas establecidas na dita sentenza. En situacións de impago, copia da solicitude de execución da sentenza presentada diante do xulgado ou xustificante do inicio das actuacións
• No caso de que as/os menores estean en situación de acollemento por resolución administrativa ou auto xudicial, deberase acreditar mediante copia do certificado do organismo competente e, de ser o caso, a contía da remuneración.

Descrición

As causas de Baixa poden ser as seguintes:

• BAIXA VOLUNTARIA: En caso de baixa voluntaria o interesado/a deberá cumprimentar o formulario correspondente e entregalo nas dependencias da Área de Educación, Universidade e Xuventude, para anular así o procedemento de cobro do curso.
• BAIXA POR FALTAS DE ASISTENCIA: A acumulación de faltas de asistencia consecutivas sen xustificar, causarán a baixa do alumno/a no Centro.
• BAIXA POR FALTA DE PAGO: En caso de devolución dos recibos de pago, se notificará (por correo certificado) ó interesado, dándolle un prazo de 15 días ( a partires da data da notificación) para facer efectivo o ingreso correspondente no nº de conta de Caixa Nova oficina principal, 2080 0251 50 0041391111

O resgardo de pago se entregará nas dependencias da área de Educación, Universidade e Xuventude.

En caso contrario o alumno causará baixa no Centro.

Dirixido a

Os alumnos das Escolas Municipais

Como facelo

A solicitude pódese presentar en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luis Fernández s/n (Edificio Praza de Abastos da Ponte)

32001 Ourense

Tfno: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artígo 16.4 da Lei 39/2015 de 1 de outubro.

Modelos de solicitude dispoñibles

• Instancia procedementos xerais

Información de interese

Nota: Unha vez que o alumno deixa a escola, ten dez días para presentar o impreso de baixa.

Oficinas tramitadoras

Descrición

Solicitude de cita para atención da cidanía nos servizos da Concellería de Benestar Social.

A solicitudes online serán tramitadas pola Oficina de Atención ao Cidadán

Como facelo

Tramitación online

Pulsando sobre o botón TRAMITAR que aparece nesta páxina, poderá tramitar a súa solicitude de maneira telemática.

Tramitación presencial

Poderá tramitar a solicitude de cita presencialmente na:

• Oficina de Atención ao Cidadán
• Unidade interdisciplinar de intervención social- A Ponte
• Unidade interdisciplinar de intervención social- Zona Histórica
• Unidade interdisciplinar de intervención social- Centro
• Unidade interdisciplinar de intervención social- O Couto

Descrición

A comida no fogar como norma xeral será un servizo complementario do SAF que, mediante personal cualificado, subministra diariamente a comida no fogar a aquelas persoas que pola súa especial situación así o requiran, segundo a valoración da traballadora social de referencia. En casos extraordinarios, poderán gozar do servizo outros usuarios non incluídos no SAF, sempre que mediante un informe técnico da traballadora social correspondente, se fundamente a situación de necesidade de unha persoa ou familia, e que sexa este servizo o recurso idoneo para dar resposta á situación de necesidade que presentan, este informe deberá contar co visado do/a xefe/a de servizo.

Dirixido a

Poderán ser usuarios da comida no fogar aquelas persoas ou familias que se encadren nun marco de problemáticas concretas, sempre que se trate de persoas ou unidades de convivencia empadroadas no Concello de Ourense con unha antigüidade de tres meses e que reúnan os seguintes requisitos:

• Persoas con certo nivel de dependencia que non teñan apoio de ninguén e con esta axuda poidan continuar vivindo no seu fogar
• Persoas con discapacidade ás que a axuda no fogar lles poida mellorar o seu nivel de desenvolvemento persoal
• Familias que teñan anciáns, persoas con discapacidade ou enfermos crónicos ao seu cargo e que precisan axuda para continuar atendéndoos
• Persoas afectadas por una lesión, enfermidade física ou mental ou por outros motivos, que precisen das prestacións do servizo de axuda no fogar
• Persoas ou familias con grave risco de desestructuración e/ou exclusión

En xeral, poderán ser usuarios da comida no fogar aquelas persoas e/ou familias nas que existe una situación de necesidade de atención e que, de acordo coa valoración dos/as traballadores/as sociais dos servizos sociais comunitarios municipais, supoña a comida no fogar o recurso idóneo de atención.

Como facelo

A solicitude e documentación a achegar pódese presentar en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luis Fernández s/n (Edificio Praza de Abastos da Ponte)

32001 Ourense

Tfno: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artígo 16.4 da Lei 39/2015 de 1 de outubro.

Modelos de solicitude dispoñibles

• Autorización de acceso para a obtención de datos sobre recursos económicos en outras administracións públicas
• Declaración responsable de bens e dereitos
• Declaración responsable do gardador de feito
• Informe médico que acredite estado de saúde e prescrición de tratamentos
• Modelo de declaración responsable de ingresos para solicitar os servizos de "Comida no fogar", "Centro de día" e "Axuda no fogar"
• Modelo para a solicitude dos servizos de "Comida no fogar", "Centro de día" e "Axuda no Fogar"
• Modelos de autorización para a obtención de datos para a tramitación dos procedementos da área de Asuntos Sociais

Documentación requirida

• Fotocopia cotexada do DNI dos membros da unidade de convivencia
• Fotocopia cotexada da tarxeta sanitaria dos membros da unidade de convivencia
• Informe médico que acredite a carencia de autonomía, estado de saúde e prescrición de tratamentos e dieta (anexo V da ordenanza reguladora do SAF)
• Certificado de discapacidade e/ou certificado de grao e nivel de dependencia, de selo caso
• Xustificantes de ingresos e patrimonio da persoa solicitante e do resto de membros da unidade de convivencia:
  • Certificados de todos os ingresos procedentes de salarios, pensións, subsidios, etc… que perciban do último exercicio fiscal
  • Declaración responsable acerca do patrimonio na que se detalle o conxunto das titularidades de bens e dereitos de contido económico, de xeito que quede completamente acreditada a súa situación patrimonial
  • Declaración responsable dos ingresos percibidos ou caracer deles
  • Autorización de acceso para a obtención de datos doutras administración públicas
• Xustificante de aluguer de vivenda, de selo caso, ou outro documento xustificativo do réxime de tenencia
• Declaración responsable de gardador de feito (achégase modelo) ou copia cotexada da sentenza de incapacitación legal e nomeamento do titor/representante legal (de selo caso)
• Fotocopia cotexada do DNI do gardador de feito ou representante legal
• Calquera outra documentación que sexa requirida polo traballador/a social para a valoración do seu expediente

En todo caso, o tratamento da información contida nos expedientes individuais ou familiares realizarase de acordo coa normativa vixente en materia de protección de datos de carácter persoal.

Oficinas tramitadoras

Normativa

• Orde do 22 de xaneiro de 2009 pola que se regula o servizo de axuda a domicilio
  
• Decreto 99/2012, do 16 de marzo, dos servizos socias comunitarios

Normativa Municipal

• Ordenanza reguladora do prezo público pola prestación de servizos de benestar social.
• Ordenanza reguladora do Servizo de Axuda no Fogar

Preguntas frecuentes

O servizo de comida no fogar é gratuíto?

Non, a participación no custe do servizo ven determinada pola capacidade económica da persoa ou unidade de convivencia e para o seu cálculo computarase: 1) a renda de todas as persoas residentes na mesma unidade de convivencia; 2) o patrimonio neto de todas as persoas residentes na mesma unidade de convivencia

Quen pode solicitar a súa inclusión no servizo de comida?

Calquera persoa que cumpra os requisitos establecidos na Ordenanza reguladora e que alcance os 39 puntos mínimos na aplicación do baremo que indica o Informe Social (Anexo IV da Ordenanza reguladora do servizo) e nos casos extraordinarios, mediante informe técnico da traballadora social correspondente

Cómo é o funcionamento do servizo?

O servizo de comida no fogar funcionará todos os días do ano, incluídos domingos e festivos. A entrega nos domicilios realizarase entre as 11:00 e 14:00h, garantindo un envasado que manteña a comida quente ata o momento do seu consumo.

Cales son as características dos menús?

Constarán de primeiro prato, segundo prato, sobremesa e pan. Aquelas persoas que así o soliciten e ou precisen por prescrición médica, ou por circunstancias especiais ou persoais, recibirán menús adecuados a súas necesidades.

Descrición

A través deste procedemento tanto as persoas físicas como as xurídicas poderán comunicar un enderezo de correo electrónico para o envío dos avisos relativos ás notificacións das que sexan persoas destinatarias e que estarán dispoñibles por comparecencia na Sede Electrónica Municipal do Concello de Ourense. Deste modo, no momento en que o Concello de Ourense emita unha notificación, enviaráselle a persoa destinataria da notificación un aviso ao enderezo de correo electrónico sinalado co fin de por no seu coñecemento a existencia da notificación e as indicacións para acceder ao contido da mesma.

De conformidade co establecido na Lei 39/2015, do 1 de outubro, as persoas xurídicas e demais suxeitos establecidos no artigo 14.2 (entidades sen personalidade xurídica, profesionais sometidos a colexiarse obrigatoria, notarios e rexistradores da propiedade e mercantís) están obrigados a relacionarse coa administración a través do medios electrónicos para realización de calquera trámite e a recibir as notificacións por esta canle.

Así mesmo, para o caso das persoas físicas, mediante este procedemento poden solicitar ao Concello de Ourense que as notificacións sucesivas se lle practiquen unicamente por medios electrónicos, para todos os procedementos nos que teña condición de interesado. No caso de que unha persoa física queira solicitar a notificación electrónica para algún tipo de procedemento en concreto, deberá facelo a través dunha solicitude de procedementos xerais, onde deberá indicar o procedemento ou tipos de procedementos para os que solicita a notificación por comparecencia en Sede. En todo caso as persoas físicas poderán cambiar en calquera momento a forma elixida para recibir as notificacións debendo comunicalo previamente mediante este mesmo procedemento.

Dirixido a

Persoas xurídicas e suxeitos recollidos no artigo 14.2 da Lei 39/2015, do 1 de outubro, (entidades sen personalidade xurídica, profesionais sometidos a colexiarse obrigatoria, notarios e rexistradores da propiedade e mercantís) e persoas físicas que soliciten ser notificados electrónicamente polo Concello de Ourense con carácter xeral en todos procedementos nos que teña condición de interesados.

Como facelo

Electrónicamente

Para comunicar o enderezo de correo electrónico no que recibir os avisos sobre as notificaciones electrónicas por comparecencia na Sede Electrónica Municipal, deberá:

• Cubrir o "Modelo para a comunicación do enderezo de correo electrónico para recibir avisos de notificacións por comparecencia na Sede. Alta/baixa de notificación electrónica.
• Asinar electrónicamente o documento anterior. A Sede Electrónica municipal non está habilitada para a sinatura electrónica de documentación, así que os documentos deben ser asinados electrónicamente no seu equipo. En caso de necesitar información sobre como asinar electrónicamente un documento, pode consultar o documento "Guía para realizar la firma electrónica de documentos PDF".
• Identificarse na Sede, proceso que require uso de certificado dixital admitido, sendo requisito imprescindible que o certificado pertenza a persoa que realiza a solicitude.
• Acceder ao "Rexistro electrónico" e tramitar unha solicitude do tipo "Comunicación do enderezo de correo electrónico co fin de recibir os avisos das notificacións electrónicas por comparecencia na Sede. Alta /baixa de notificación electrónica".
• Engadir o "Modelo para a comunicación do enderezo de correo electrónico para recibir avisos de notificacións por comparecencia na Sede. Alta/baixa de notificación electrónica" cuberto e asinado electrónicamente.
• Enviar a solicitude.

Feito o envío obterá xustificante de rexistro de entrada no Concello.

Nota: As persoas xurídicas e demais suxeitos recollidos no artigo 14.2 da Lei 39/2015 (entidades sen personalidade xurídica, profesionais sometidos a colexiarse obrigatoriamente, notarios e rexistradores da propiedade e mercantís) unicamente poden comunicalo electrónicamente, mediante este procedemento

Presencialmente

As persoas físicas tamén poderán presentar a comunicación de datos de maneira presencial:

Deben presentar o "Modelo para a comunicación do enderezo de correo electrónico para recibir avisos de notificacións por comparecencia na Sede. Alta/baixa de notificación electrónica." debidamente cuberto. Dito documento pódese presentar en:

• Rexistro Xeral

Praza Maior nº 1

32005 Ourense

Tfno: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luis Fernández s/n (Edificio Praza de Abastos da Ponte)

32001 Ourense

Tfno: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artigo 16.4 da Lei 39/2015 de 1 de outubro.

Modelos de solicitude dispoñibles

• Modelo para a comunicación do enderezo de correo electrónico con fin de recibir avisos de notificacións por comparecencia na Sede. Alta/baixa de notificación electrónica