Xunta de Galicia

Obxecto

Esta resolución ten como obxecto o establecemento das bases reguladoras e as condicións que rexerán a convocatoria de dúas bolsas de estadía na Casa de Velázquez en Madrid (unha de investigación e outra de creación) e que se inclúen como anexos a esta resolución (procedemento PR970A), na cal se detallan os requisitos específicos que deben reunir as persoas solicitantes, coa finalidade de contribuír á especialización na súa formación académica, profesional e investigadora.

As bolsas reguladas nesta resolución concederanse en réxime de concorrencia competitiva e baixo os principios de publicidade, obxectividade, transparencia, igualdade, non discriminación, eficacia e eficiencia.

Para poder ser beneficiaria/o das bolsas deberá presentarse unha solicitude axustada ao modelo normalizado que se inclúe como anexo IV desta resolución, que irá acompañada dos documentos que se especifican na base 6 da convocatoria.

A quen vai dirixido?

Poderán solicitar estas bolsas ou seren persoas beneficiarias delas as persoas en que non concorra ningunha das circunstancias especificadas no artigo 10 da Lei 9/2007, do 13 de xuño, de subvencións de Galicia, e sempre que reúnan, ademais dos requisitos específicos que para cada bolsa se sinalen nos anexos desta resolución, os seguintes requisitos xerais, que deberán no momento de rematar o prazo de presentación de solicitudes.

As persoas seleccionadas quedarán obrigadas:

a) Ao cumprimento das obrigas establecidas no artigo 11 da Lei 9/2007, do 13 de xuño, de subvencións de Galicia.

b) A seguir as indicacións técnicas dos/das coordinadores/as ou titores/as do proxecto.

c) A entregar mensualmente aos/ás coordinadores/as ou titores/as do proxecto un informe da súa actividade e, ao finalizar a bolsa, nun prazo de cinco días, a memoria explicativa co resultado daquela.

Requisitos

a) Posuír a nacionalidade española ou ser nacional dun país membro da Unión Europea.

b) Estar en posesión da titulación requirida para a bolsa para a cal presente solicitude. A persoa solicitante deberá estar en posesión do título ou acreditar o pagamento dos dereitos para a súa expedición ao remate do prazo de presentación de solicitudes e ter rematados os estudos conducentes a el no curso académico 2007/08 ou posterior.

c) Acreditar o coñecemento da lingua galega no nivel de perfeccionamento ou Celga 4, agás as que acrediten estar en posesión do título de licenciatura en Filoloxía Galega ou graos equivalentes.

d) Non resultar persoa beneficiaria dunha bolsa de colaboración convocada polo Consello da Cultura Galega en convocatorias anteriores durante un prazo superior a 12 meses.

e) Posuír unha nota media no seu expediente académico igual ou superior a 6 puntos, calculada de acordo cos parámetros publicados pola Resolución da Secretaría Xeral Técnica da Consellería de Educación e Ordenación Universitaria do 15 de setembro de 2011 (DOG nº 188, do 30 de setembro).

Ler máis Ler menos

A onde acudir

COMUNIDADE AUTÓNOMA DE GALICIA

Consello da Cultura Galega

Órgano responsable

Consello da Cultura Galega

Normativa

Ámbito Autonómico

Resolución do 25 de abril de 2019 pola que se aproban as bases que rexerán a convocatoria pública de dúas bolsas de estadía na Casa de Velázquez en Madrid e se anuncia a súa convocatoria (DOG nº 89 do 10 de maio de 2019).

Ligazón á normativa

Extracto da Resolución do 25 de abril de 2019 pola que se aproban as bases que rexerán a convocatoria pública de dúas bolsas de estadía na Casa de Velázquez en Madrid e se anuncia a súa convocatoria (DOG nº 89 do 10 de maio de 2019).

Ligazón á normativa

Corrección de erros. Resolución do 25 de abril de 2019 pola que se aproban as bases que rexerán a convocatoria pública de dúas bolsas de estadía na Casa de Velázquez en Madrid e se anuncia a súa convocatoria (DOG nº 94 do 20 de maio de 2019).

Ligazón á normativa

Obxecto

Esta resolución ten como obxecto o establecemento das bases reguladoras e as condicións que rexerán a convocatoria de cinco bolsas de colaboración en proxectos de investigación concretos que se están a desenvolver no Consello da Cultura Galega e que se inclúen como anexos a esta resolución (procedemento PR970B), na cal se detallan os requisitos específicos que deben reunir as persoas solicitantes, coa finalidade de contribuír á especialización na súa formación académica, profesional e investigadora.

As bolsas reguladas nesta resolución concederanse en réxime de concorrencia competitiva e baixo os principios de publicidade, obxectividade, transparencia, igualdade, non discriminación, eficacia e eficiencia.

Para poder ser beneficiaria/o das bolsas deberán presentar unha solicitude axustada ao modelo normalizado que se inclúe como anexo V desta resolución, que irá acompañada dos documentos que se especifican na base 6 da convocatoria.

Duración .

As actividades iniciaranse coa incorporación da persoa seleccionada, tal e como dispón a base 11ª desta convocatoria. A duración de cada unha das bolsas será de sete (7) meses, a data estimada de comezo é o 1 de xuño de 2019 e a de remate, en calquera caso, o 31 de decembro de 2019. A data de incorporación ao centro establecerase na notificación da adxudicación da bolsa.

As persoas que non se incorporen no prazo establecido perderán os dereitos inherentes á bolsa concedida, agás causa xustificada de atraso apreciada pola presidenta do Consello da Cultura Galega.

Ler máis Ler menos

A quen vai dirixido?

Poderán solicitar estas bolsas ou ser persoas beneficiarias delas as persoas en que non concorra ningunha das circunstancias especificadas no artigo 10 da Lei 9/2007, do 13 de xuño, de subvencións de Galicia, e sempre que reúnan, ademais dos requisitos específicos que para cada bolsa se sinalen nos anexos desta resolución, os seguintes requisitos xerais, que deberán posuír no momento de rematar o prazo de presentación de solicitudes:

a) Posuír a nacionalidade española ou ser nacional dun país membro da Unión Europea.

b) Estar en posesión da titulación universitaria requirida para a bolsa para a cal presente solicitude. A persoa solicitante deberá estar en posesión do título ou acreditar o pagamento dos dereitos para a súa expedición ao remate do prazo de presentación de solicitudes, e ter rematados os estudos conducentes a el no curso académico 2010/11 ou posterior.

c) Acreditar o coñecemento da lingua galega no nivel de perfeccionamento ou Celga 4, agás os que acrediten estar en posesión do título de licenciado/a en Filoloxía Galega ou graos equivalentes.

d) Non resultar persoa beneficiaria dunha bolsa de colaboración convocada polo Consello da Cultura Galega en convocatorias anteriores durante un prazo superior a 12 meses.

e) Posuír unha nota media no seu expediente académico igual ou superior a 6 puntos, calculada de acordo cos parámetros publicados pola Resolución da Secretaría Xeral Técnica da Consellería de Educación e Ordenación Universitaria do 15 de setembro de 2011 (DOG núm. 188, do 30 de setembro).

Ler máis Ler menos

Requisitos

Requisitos específicos das persoas solicitantes. Unha bolsa para colaborar na Área de Publicacións .

Para solicitar a bolsa a que se refire esta convocatoria é necesario, ademais de reunir os requisitos xerais establecidos na base cuarta desta resolución:

– Posuír o título de licenciatura ou grao en Filoloxía Galega, Galego-Portuguesa, Lingua e Literatura Galegas ou titulacións equivalentes.

Valoraranse como méritos:

– Posuír experiencia en edición de textos e edición dixital.

– Posuír experiencia en tradución e corrección.

– Posuír coñecementos de informática.

Requisitos específicos das persoas solicitantes: Dúas bolsas para colaborar na Área de Documentación .

Para solicitar as bolsas a que se refire a presente convocatoria é necesario, ademais de reunir os requisitos xerais establecidos na base cuarta desta resolución:

– Posuír o título de licenciatura ou grao en Información e Documentación ou titulacións equivalentes.

Valoraranse como méritos:

– Ter experiencia en catalogación en formatos Marc.

– Posuír coñecementos de programas de catalogación bibliográfica e de descrición arquivística.

– Posuír coñecementos de informática.

– Posuír experiencia en xestión documental.

Requisitos específicos das persoas solicitantes: Dúas bolsas para colaborar na Área de Comunicación .

Para solicitar as bolsas a que se refire esta convocatoria é necesario, ademais de reunir os requisitos xerais establecidos na base cuarta desta resolución:

– Posuír o título de licenciatura ou grao en Ciencias da Comunicación, Comunicación Audiovisual ou titulacións equivalentes.

Valoraranse como méritos:

– Posuír experiencia en edición de textos, edición dixital e audiovisual.

– Posuír coñecementos de edición de páxina web.

– Posuír coñecementos de informática.

Ler máis Ler menos

A onde acudir

COMUNIDADE AUTÓNOMA DE GALICIA

Consello da Cultura Galega

Órgano responsable

Consello da Cultura Galega

Normativa

Ámbito Autonómico

Resolución do 10 de abril de 2019 pola que se aproban as bases que rexerán a convocatoria pública de cinco bolsas de colaboración en proxectos de investigación que se están a desenvolver nesta entidade e se anuncia a dita convocatoria (DOG nº 81 do 29 de abril de 2019).

Ligazón á normativa

Extracto da Resolución do 10 de abril de 2019 pola que se aproban as bases que rexerán a convocatoria pública de cinco bolsas de colaboración en proxectos de investigación que se están a desenvolver nesta entidade e se anuncia a dita convocatoria (DOG nº 81 do 29 de abril de 2019).

Ligazón á normativa

Obxecto

1. O obxecto da presente orde é a creación e regulación da carpeta persoal de saúde, así como os requisitos e as condicións para a súa xestión, tanto por parte da persoa usuaria como por parte de persoas autorizadas distintas da persoa interesada.

2. Ademais da carpeta persoal de saúde, o Servizo Galego de Saúde poderá poñer á disposición das súas persoas usuarias, a través do seu portal web, outros servizos telemáticos sanitarios, de acordo coas condicións e cos requisitos que en cada momento se determinen.

A quen vai dirixido?

Poderá acceder á carpeta persoal de saúde a propia persoa usuaria, así como as persoas autorizadas expresamente para o efecto por aquela nos termos que se indican a seguir:

a) Cando se trate de persoas menores de 18 anos, poderán acceder á súa carpeta persoal o seu pai, nai ou titor/a legal.

b) Cando se trate de persoas incapacitadas, poderá acceder á súa carpeta o seu representante legal ou a persoa autorizada por este expresamente para os efectos desta orde.

c) Cando se trate de persoas maiores de idade que, non estando incapacitadas xudicialmente, sexan pacientes crónicos/as e debido ás limitacións propias da idade ou da enfermidade, poderá acceder á súa carpeta a persoa autorizada expresamente pola persoa interesada para os efectos desta orde.

A onde acudir

CONSELLERÍA DE SANIDADE

SERVIZO GALEGO DE SAÚDE (SERGAS)

XERENCIA DO SERVIZO GALEGO DE SAÚDE

Subdirección Xeral de Atención ao Cidadán e Calidade

Órgano responsable

Subdirección Xeral de Atención ao Cidadán e Calidade

Normativa

Ámbito Autonómico

Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes (DOG nº 241 do 17 de decembro de 2010).

Ligazón á normativa

Orde do 19 de setembro de 2016 pola que se crea e regula a carpeta persoal de saúde (DOGnº 187 do, 30 de setembro de 2016).

Ligazón á normativa

Ámbito Estatal

Real Decreto 3/2010, do 8 de xaneiro, polo que se regula o Esquema Nacional de Seguridade no ámbito da Administración Electrónica (BOE nº 25, do 29 de xaneiro de 2010).

Ligazón á normativa

Corrección de erros do Real Decreto 3/2010, do 8 de xaneiro, polo que se regula o Esquema Nacional de Seguridade no ámbito da Administración Electrónica (BOE nº 61, do 11 de marzo de 2010).

Ligazón á normativa

Real Decreto 951/2015, do 23 de outubro, de modificación do Real Decreto 3/2010, do 8 de xaneiro, polo que se regula o Esquema Nacional de Seguridade no ámbito da Administración Electrónica (BOE nº 264, do 4 de novembro de 2015).

Ligazón á normativa

Ler máis Ler menos

Obxecto

Regular o réxime xurídico xeral e o procedemento de autorización de instalación, funcionamento, modificación e peche dos centros, servizos e establecementos sanitarios, públicos ou privados, de calquera clase ou natureza, localizados na Comunidade Autónoma de Galicia.

A quen vai dirixido?

Interesados en pechar centros, servizos e establecementos sanitarios.

Requisitos

Os centros, servizos e establecementos sanitarios que vaian finalizar a súa actividade de modo definitivo deberán solicitar autorización administrativa con tres meses de antelación ao remate da actividade.

A onde acudir

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DA CORUÑA

S. DE PLANIFICACIÓN, ASEGURAMENTO E ORDENACIÓN SANITARIA DA CORUÑA

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE LUGO

S. PLANIFICACIÓN, ASEGURAMENTO E ORDENACIÓN SANITARIA LUGO

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE OURENSE

S.PLANIFICACIÓN,ASEGURAMENTO,ORDENACIÓN SANITARIA OURENSE

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE PONTEVEDRA

S.PLANIFICACIÓN,ASEGURAMENTO,ORDENACIÓN SANITARIA PONTEV.

Ler máis Ler menos

Órgano responsable

SECRETARÍA XERAL TÉCNICA DA CONSELLERÍA DE SANIDADE

Normativa

Ámbito Autonómico

Decreto 12/2009, do 8 de xaneiro, polo que se regula a autorización de centros, servizos e establecementos sanitarios (DOG nº 20 do 29 de xaneiro de 2009).

Ligazón á normativa

Decreto 42/2014, do 27 de marzo, polo que se modifica o Decreto 12/2009, do 8 de xaneiro, polo que se regula a autorización de centros, servizos e establecementos sanitarios (DOG nº 71 do 11 de abril de 2014).

Ligazón á normativa

Ámbito Estatal

Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 254 do 23 de outubro de 2003).

Ligazón á normativa

Corrección de errata do Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 279, do 21 de novembro de 2003).

Ligazón á normativa

Corrección de erros do Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 162, do 6 de xullo de 2004).

Ligazón á normativa

Orde SCO/1741/2006, do 29 de maio, pola que se modifican os anexos do Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 134, do 6 de xuño de 2006).

Ligazón á normativa

Ler máis Ler menos

Forma presentación

Tramitación en liña

Iniciar presentación electrónica

Iniciar presentación electrónica: entre para cumprimentar e presentar a solicitude correspondente a este procedemento desde outro sistema electrónico da Administración da Xunta de Galicia.

Presencial

Modelo de solicitude

Descargar solicitude: entre para descargar un formulario de solicitude que pode cubrir e imprimir antes de entregalo, de forma presencial, en calquera das oficinas de rexistro e información da Xunta de Galicia.

Datos da solicitude

Prazo de presentación: Aberto todo o ano.

Este decreto entrará en vigor aos vinte días da su publicación no Diario Oficial de Galicia.

Versión en formato PDF

• Solicitude segundo o Anexo IC deste Decreto.
• A presentación das solicitudes realizarase unicamente por medios electrónicos a traves do formulario electrónico normalizado accesible desde a sede electrónica da Xunta de Galicia, https://sede.xunta.es, de conformidade ao establecido nos artigos 27.6 da Lei 11/2007, do 22 de xuño, de acceso dos cidadáns aos servizos públicos, e 24.2 do Decreto 198/2010 polo que se regula o desenvolvemento da Administración electrónica na Xunta de Galicia e nas entidades dela dependentes.
  A documentación complementaria poderase presentar electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante. A Administración poderá requirir a exhibición do documento orixinal para o cotexo da copia electrónica presentada segundo o disposto no artigo 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010 polo que se regula o desenvolvemento da Administración electrónica na Xunta de Galicia e nas entidades dela dependentes.
  Sempre que se realice a presentación de documentos separadamente do formulario principal, a persoa interesada deberá mencionar o código e o órgano responsable do procedemento, o número de expediente e o número ou código único de rexistro.
  No caso de que algún dos documentos que se van presentar por parte da persoa solicitante, de forma electrónica, superase os tamaños límites establecidos pola sede electrónica, permitirase a presentación deste de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro. Na sede electrónica da Xunta de Galicia publicarase a relación de formatos, protocolos e tamaño máximo admitido da documentación complementaria para cada procedemento.

Presentación de documentación de gran tamaño ou en formatos non admitidos pola sede electrónica

Instrucións

Versión en formato PDF

Se ten algunha dúbida técnica pode poñerse en contacto co servizo de atención cidadá no teléfono 012 ou enviando un correo a 012@xunta.es

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE PONTEVEDRA

S.PLANIFICACIÓN,ASEGURAMENTO,ORDENACIÓN SANITARIA PONTEV.

Fernández Ladrera, nº 43, 1º
36071Pontevedra
Teléfono: 986885880Fax: 986814186

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE OURENSE

S.PLANIFICACIÓN,ASEGURAMENTO,ORDENACIÓN SANITARIA OURENSE

Avda. Zamora, 13
32071Ourense
Teléfono: 988066321Fax: 988386302

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DA CORUÑA

S. DE PLANIFICACIÓN, ASEGURAMENTO E ORDENACIÓN SANITARIA DA CORUÑA

R/Durán Loriga, 3
15003Coruña, A
Teléfono: 981155817 / 981155823Fax: 981155869

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE LUGO

S. PLANIFICACIÓN, ASEGURAMENTO E ORDENACIÓN SANITARIA LUGO

Montevideo, 9
27001Lugo
Teléfono: 982292107Fax: 982292115

Versión en formato PDF

Regular o réxime xurídico xeral e o procedemento de autorización de instalación, funcionamento, modificación e peche dos centros, servizos e establecementos sanitarios, públicos ou privados, de calquera clase ou natureza, localizados na Comunidade Autónoma de Galicia.

Beneficiarios:

Interesados en pechar centros, servizos e establecementos sanitarios.

Requisitos:

Os centros, servizos e establecementos sanitarios que vaian finalizar a súa actividade de modo definitivo deberán solicitar autorización administrativa con tres meses de antelación ao remate da actividade.

Versión en formato PDF

ESTATAL

Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 254 do 23 de outubro de 2003).

Ligazón á normativa

AUTONÓMICA

Decreto 12/2009, do 8 de xaneiro, polo que se regula a autorización de centros, servizos e establecementos sanitarios (DOG nº 20 do 29 de xaneiro de 2009).

Ligazón á normativa

ESTATAL

Corrección de erros do Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 162, do 6 de xullo de 2004).

Ligazón á normativa

ESTATAL

Corrección de errata do Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 279, do 21 de novembro de 2003).

Ligazón á normativa

ESTATAL

Orde SCO/1741/2006, do 29 de maio, pola que se modifican os anexos do Real Decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios (BOE nº 134, do 6 de xuño de 2006).

Ligazón á normativa

AUTONÓMICA

Decreto 42/2014, do 27 de marzo, polo que se modifica o Decreto 12/2009, do 8 de xaneiro, polo que se regula a autorización de centros, servizos e establecementos sanitarios (DOG nº 71 do 11 de abril de 2014).

Ligazón á normativa

Versión en formato PDF

Obxecto

Establecer o procedemento para a xestión do reintegro de gastos pola adquisición de produtos farmacéuticos para aqueles pensionistas, ou beneficiarios deles, con tarxeta sanitaria en vigor do Servizo Galego de Saúde, nos casos previstos nas presentes instrucións, en que estes superen os topes máximos de achega mensual fixados polo artigo 94.bis da Lei 29/2006, do 26 de xullo, de garantías e uso racional dos medicamentos e produtos sanitarios, de conformidade coa redacción introducida polo Real decreto lei 16/2012, do 20 de abril, de medidas urxentes para garantir a sustentabilidade do Sistema Nacional de Saúde e mellorar a calidade e seguridade das súas prestacións, ou aqueles outros usuarios, con tarxeta sanitaria en vigor do Servizo Galego de Saúde, nos supostos previstos nas presentes instrucións.

A quen vai dirixido?

Pensionistas.

Requisitos

1. Co obxecto de simplificar o procedemento de reembolso previsto polo artigo 94.bis da Lei 29/2006, do 26 de xullo, de garantías e uso racional dos medicamentos e produtos sanitarios, para o caso do importe das achegas que excedan do tope máximo de achega mensual fixado no caso de usuarios pensionistas, e de garantir a continuidade dos tratamentos prescritos, establécese un límite mensual de achega para as dispensacións efectuadas a través do sistema de dispensación de receita electrónica do Sistema Público de Saúde de Galicia, nos seguintes casos:
a) 8 euros para as persoas que teñan a condición de asegurado como pensionistas da Seguridade Social e os seus beneficiarios cuxa renda sexa inferior a 18.000 euros.
b) 18 euros para as persoas que teñan a condición de asegurado como pensionistas da Seguridade Social, e os seus beneficiarios, cuxa renda sexa igual ou superior a 18.000 euros e inferior a 100.000 euros.

c) 60 euros para as persoas que teñan a condición de asegurado como pensionistas da Seguridade Social e os seus beneficiarios cuxa renda sexa igual ou superior a 100.000 euros.

2. Acadado polo usuario o seu límite mensual de achega, non continuará realizando máis achegas económicas durante o resto de días do mes en curso en todas aquelas dispensacións que se produzan a través de receita electrónica do Sistema Público de Saúde de Galicia, sen prexuízo de que poderá percibir os reintegros que lle puideran corresponder polas achegas efectuadas nos casos previstos nestas instrucións.

O usuario con tarxeta sanitaria en vigor do Servizo Galego de Saúde poderá cursar solicitude de reintegro de gastos cando concorra algún dos seguintes supostos:

a) Que por motivos de viaxe ou desprazamentos a outras comunidades autónomas, aboase unha achega superior á que lle correspondería de acordo cos topes máximos de achega establecidos na norma de aplicación.

b) Que non lle fora aplicada correctamente a porcentaxe de achega ou o tope máximo mensual que lle corresponda no momento da dispensación do medicamento ou produto sanitario, por cambio da situación do usuario ou outra causa debidamente xustificada, que este debe acreditar.

c) Calquera outro suposto que xustifique que a achega efectuada polo usuario supere a porcentaxe ou importe que lle corresponda de acordo coa normativa de aplicación.

Ler máis Ler menos

A onde acudir

CONSELLERÍA DE SANIDADE

SERVIZO GALEGO DE SAÚDE (SERGAS)

XERENCIA DO SERVIZO GALEGO DE SAÚDE

Órgano responsable

XERENCIA DO SERVIZO GALEGO DE SAÚDE

Normativa

Ámbito Autonómico

Orde do 28 de xullo de 2016 pola que se adaptan e habilitan electronicamente os procedementos administrativos de prazo aberto da Consellería de Sanidade (DOG nº 147 do 4 de agosto de 2016).

Ligazón á normativa

Resolución do 27 de xuño de 2012, da Secretaría Xeral Técnica da Consellería de Sanidade, pola que se acorda dar publicidade ás instrucións sobre o procedemento de xestión do reintegro de gastos da prestación farmacéutica ambulatoria previsto no artigo 4 do Real decreto Lei 16/2012, do 20 abril, que engade un novo artigo 94.bis á Lei 29/2006, do 26 de xullo (DOG nº 124 do 29 de xuño de 2012).

Ligazón á normativa

Obxecto

O presente decreto ten por obxecto regular o procedemento e os efectos para o exercicio do dereito a unha segunda opinión médica, nos supostos que se indican no artigo 15.2 da Lei 12/2013, do 9 de decembro, de garantías de prestacións sanitarias.

O dereito á segunda opinión médica só se poderá exercer unha soa vez en cada proceso asistencial, coa excepción do indicado para as recidivas tumorais e a proposta de tratamento de nova aparición, e co único obxecto de contrastar un primeiro diagnóstico completo ou indicación terapéutica e coa finalidade de facilitarlle ao/á paciente, ou a quen o/a represente, unha maior información que afiance a seguridade da súa decisión informada, consciente, participativa e autónoma, no mantemento e coidado da súa saúde e para os efectos de prestarlle unha mellor asistencia sanitaria.

Ámbito de aplicación.
O exercicio do dereito á segunda opinión médica garánteselles ás persoas titulares dos dereitos á protección da saúde e á atención sanitaria e que acrediten o dereito á asistencia sanitaria pública conforme a normativa vixente.

Resolución de solicitudes.
1. Se a solicitude non cumpre algunha das condicións previstas nos artigos 5 e 6 deste decreto, daráselle traslado á persoa solicitante para que proceda a emendala no prazo de 10 días segundo o artigo 71 da Lei 30/1992, do 26 de novembro, coa indicación de que, se así non o fixer, se lle terá por desistido da súa petición, logo de resolución da persoa titular da xerencia da estrutura organizativa de xestión integrada de referencia do paciente, que deberá ser ditada nos termos previstos no artigo 42 da citada norma.
Mentres non se reciba a documentación requirida, permanecerá en suspenso o prazo para resolver sobre a autorización da segunda opinión, que se volverá computar, segundo os casos, a partir do momento en que se reciba a documentación solicitada en calquera dos rexistros do Servizo Galego de Saúde.
2. A persoa titular da xerencia da estrutura organizativa de xestión integrada, logo de requirir, se o considera oportuno, os informes complementarios necesarios, resolverá motivadamente sobre a solicitude no prazo de 10 días hábiles contados desde a data de recepción desta, de acordo co previsto no artigo 18.1 da Lei 12/2013, do 9 de decembro.
3. Transcorrido o prazo para resolver a solicitude de segunda opinión, sen que se emitise a resolución, entenderase que esta é favorable por silencio administrativo.
4. A resolución notificarase de forma inmediata ao solicitante da segunda opinión médica, a través do medio que indicase na súa solicitude.
5. No caso de que a resolución sexa favorable, a emisión da segunda opinión deberá realizarse no prazo de quince días hábiles, contados desde o día seguinte ao da súa emisión.
6. Contra a resolución, poderase presentar recurso de alzada ante a persoa titular da Xerencia do Servizo Galego de Saúde no prazo dun mes, contados desde o día seguinte ao da recepción da notificación.
7. Nas resolucións favorables darase traslado inmediato do expediente de segunda opinión ao centro hospitalario en que preste servizo o/a profesional designado/a.

Ler máis Ler menos

A quen vai dirixido?

Poderán solicitar unha segunda opinión médica o/a paciente, ou as persoas facultadas para isto, segundo o artigo 17.1 da Lei 12/2013, do 9 de decembro, que acrediten debidamente, se é o caso, a súa representación.

A intervención das persoas citadas nas alíneas b) a d) do artigo 17.1 citado, deberá ser adecuada ás circunstancias e proporcionada ás necesidades que sexa necesario atender, a favor do paciente e con respecto á súa dignidade, atendendo sempre a criterios médicos obxectivos.

No caso de pacientes maiores de 12 anos e menores de 16 anos de idade que sexan capaces intelectual e emocionalmente, de comprender, o dereito poderao exercer o seu representante legal, logo de ter escoitada a súa opinión.

Cando se trate de menores non incapaces nin incapacitados, mais emancipados ou con dezaseis anos cumpridos, e se trate dun caso de actuación de grave risco, segundo o criterio do/a facultativo/a, os pais serán informados e a súa opinión será tida en conta para a toma da decisión correspondente.

Revogación do dereito á obtención dunha segunda opinión médica.

1. Mediante resolución da persoa titular do centro directivo do Servizo Galego de Saúde que teña as competencias en materia de asistencia sanitaria, ditada á proposta da persoa titular da xerencia da estrutura organizativa de xestión integrada de que forme parte o centro hospitalario de referencia do/a paciente, poderase acordar a revogación do dereito á obtención dunha segunda opinión médica nos seguintes supostos:
a) Cando as persoas interesadas, ou quen as represente, de forma intencionada e no marco deste procedemento, faciliten información falsa.
b) No suposto de que os/as solicitantes, ou as persoas que exerzan a súa representación, impidan ou dificulten, sen causa xustificada, a realización de calquera trámite necesario para a resolución do procedemento de segunda opinión médica.
c) No suposto de que os/as solicitantes, ou as persoas que os/as a representen, impidan ou dificulten, sen causa xustificada, a realización de calquera trámite, consulta ou proba, necesarios para a emisión do informe de segunda opinión médica.
d) Cando sen causa xustificada non asistan ás consultas ou ás probas que, no marco deste procedemento, se lle programen para poder emitir o informe de segunda opinión médica.

2. Para os efectos de poder elaborar a proposta de resolución de revogación do dereito á obtención dunha segunda opinión médica, a persoa titular da xerencia da estrutura organizativa de xestión integrada poderá requirir os informes que considere necesarios para determinar a realidade do suposto ou dos supostos que poden dar lugar á perda do dereito á obtención dunha segunda opinión médica.

3. A proposta de resolución notificaráselles aos interesados, e indicaráselles a posta de manifesto do procedemento. Á notificación xuntarase unha relación dos documentos que figuren no procedemento, a fin de que os interesados poidan obter as copias dos que consideren convenientes; concederáselles un prazo de dez días para formular alegacións e presentar os documentos e xustificacións que coiden pertinentes ante a persoa titular da xerencia da estrutura organizativa de xestión integrada.

4. A proposta de resolución cursarase inmediatamente á persoa titular do centro directivo, do Servizo Galego de Saúde, que teña as competencias en materia de asistencia sanitaria, xunto con todos os documentos, alegacións e informacións que figuren no procedemento, para que esta emita a resolución que proceda.

5. Fronte á resolución pola que se revogue o dereito á obtención dunha segunda opinión médica, cabe interpoñer recurso de alzada ante a persoa titular da Xerencia do Servizo Galego de Saúde.

Ler máis Ler menos

Requisitos

1. A emisión dunha segunda opinión médica poderá solicitarse cando o/a paciente dispoña dun primeiro diagnóstico completo e/ou proposta terapéutica emitido por un/unha profesional médico/a do Sistema público de saúde de Galicia, en relación con algún dos procesos que se indican no artigo 15.2 da Lei 12/2013, do 9 de decembro:
a) Enfermidades neoplásicas malignas.
b) Enfermidades neurolóxicas inflamatorias e dexenerativas invalidantes.
c) Confirmación de diagnósticos de enfermidade rara.

2. No caso de tratarse dunha recidiva tumoral maligna ou dunha proposta de tratamentos de nova aparición, poderá solicitarse novamente unha segunda opinión médica.

3. O/a facultativo/a responsable dun diagnóstico ou proposta terapéutica producida nun dos procesos a que se fai referencia no parágrafo 1 proporcionará, a requirimento do/a paciente, ou de quen o/a represente, a información acerca do procedemento para garantir a garantía do dereito a unha segunda opinión médica, e deixará constancia na historia clínica do diagnóstico ou proposta terapéutica.

4. Os servizos de admisión dos hospitais informarán os/as pacientes, ou a quen representen, dos requisitos e condicións para o exercicio do dereito á obtención dunha segunda opinión médica.

Todos os centros sanitarios do Servizo Galego de Saúde porán á disposición dos usuarios información clara, veraz, accesible e transparente sobre a garantía do dereito ao exercicio da segunda opinión médica.

5. Na páxina web do Servizo Galego de Saúde publicarase un catálogo en liña, ao que tamén se poderá acceder desde a sede electrónica da Xunta de Galicia, no que se identificarán as patoloxías respecto das cales se poderá exercer o dereito á segunda opinión médica. Este catálogo ten carácter orientativo, de forma que pode haber patoloxías que non figuren nel, respecto das cales se poderá exercer o dito dereito, sempre e cando estean incluídas nos procesos que se indican no artigo 15.2. da Lei 12/2013, do 9 de decembro, a que se fai referencia no artigo 4.1 do presente decreto.

Ler máis Ler menos

A onde acudir

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada da Coruña

Xerencia de Xestión Integrada da Coruña

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Ferrol

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Lugo, Cervo e Monforte de Lemos

Xerencia de Xestión Integrada de Lugo, Cervo e Monforte de Lemos

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Ourense, Verín e Barco de Valdeorras

Xerencia de Xestión Integrada de Ourense, Verín e O Barco de Valdeorras

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Pontevedra e o Salnés

Xerencia de Xestión Integrada de Pontevedra e O Salnés

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Santiago de Compostela e Barbanza

Xerencia de Xestión Integrada de Santiago e Barbanza

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Vigo

Xerencia de Xestión Integrada de Vigo

Ler máis Ler menos

Órgano responsable

XERENCIA DO SERVIZO GALEGO DE SAÚDE

Normativa

Ámbito Autonómico

Decreto 54/2015, do 12 de marzo, polo que se regulan o procedemento e os efectos da garantía do dereito á segunda opinión médica no Sistema público de saúde de Galicia (DOG nº 72 do 17 de abril de 2015).

Ligazón á normativa

Obxecto

O obxecto do presente decreto é a regulación do procedemento para o exercicio do dereito á libre elección de persoal médico de familia, pediatra e persoal de enfermaría en atención primaria e de centro ou complexo hospitalario para un problema de saúde novo, no Sistema público de saúde de Galicia.

Ámbito da libre elección.

1. Para os efectos deste decreto, o ámbito de elección esténdese a:
a) Profesionais de medicina de familia, pediatría, enfermaría e matróns/matronas de todos os centros de atención primaria do Servizo Galego de Saúde.
b) Centros hospitalarios da rede pública do Servizo Galego de Saúde para un problema de saúde novo.

2. A elección de facultativo/a de atención primaria dun centro comporta a asignación do hospital de referencia, e non impide a elección dun hospital distinto para un problema de saúde novo.

3. Non están incluídos na libre elección a atención de urxencia, a atención domiciliaria, o transporte sanitario programado e os servizos de apoio de atención primaria agás a elección de matrón/matrona.

A quen vai dirixido?

Persoas aseguradas ou beneficiarias incluídas no ámbito do establecido no artigo 3 da Lei 16/2003, do 28 de maio, de cohesión e calidade do Sistema Nacional de Saúde, e dispoñer de tarxeta sanitaria en vigor do Servizo Galego de Saúde.

Requisitos

1. Para o exercicio do dereito de libre elección previsto neste decreto, a persoa debe ser asegurada ou beneficiaria incluída no ámbito do establecido no artigo 3 da Lei 16/2003, do 28 de maio, de cohesión e calidade do Sistema Nacional de Saúde, e dispoñer de tarxeta sanitaria en vigor do Servizo Galego de Saúde.

2. No caso de menores de idade non emancipados ou persoas con declaración de incapacidade, o dereito á libre elección corresponderalles aos pais, titores ou representantes legais, de conformidade coa lexislación vixente.

A onde acudir

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada da Coruña

Xerencia de Xestión Integrada da Coruña

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Ferrol

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Lugo, Cervo e Monforte de Lemos

Xerencia de Xestión Integrada de Lugo, Cervo e Monforte de Lemos

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Ourense, Verín e Barco de Valdeorras

Xerencia de Xestión Integrada de Ourense, Verín e O Barco de Valdeorras

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Pontevedra e o Salnés

Xerencia de Xestión Integrada de Pontevedra e O Salnés

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Santiago de Compostela e Barbanza

Xerencia de Xestión Integrada de Santiago e Barbanza

CONSELLERÍA DE SANIDADE

SERVIZO GALEGO DE SAÚDE (SERGAS)

Estrutura Organizativa de Xestión Integrada de Vigo

Xerencia de Xestión Integrada de Vigo

Ler máis Ler menos

Órgano responsable

SECRETARÍA XERAL TÉCNICA DA CONSELLERÍA DE SANIDADE

Normativa

Ámbito Autonómico

Decreto 55/2015, do 26 de marzo, polo que se regula o exercicio do dereito á libre elección de persoal médico de familia, pediatra e persoal de enfermaría en atención primaria, e de centro ou complexo hospitalario por un problema de saúde novo, no Sistema público de saúde de Galicia (DOG nº 73 do 20 de abril de 2015).

Ligazón á normativa

Obxecto

As instrucións previas consisten nun documento, mediante o cal, unha persoa maior de idade, capaz e libre, manifesta anticipadamente a súa vontade, co fin de que esta sexa cumprida no momento en que chegue a situacións nas cales non sexa quen de expresala persoalmente, sobre os coidados e o tratamento da súa saúde ou, unha vez chegado o falecemento, sobre o destino do seu corpo e dos seus órganos.

A persoa outorgante, o seu representante legal ou aquel designado como interlocutor co/a médico/a poderán acceder ao rexistro logo de formular solicitude, que se axustará ao modelo recollido no anexo IV e se dirixirá á Secretaría Xeral Técnica da Consellería de Sanidade.

A quen vai dirixido?

A persoa outorgante, o seu representante legal ou aquel designado como interlocutor co/a médico/a

A onde acudir

CONSELLERÍA DE SANIDADE

SECRETARÍA XERAL TÉCNICA DA CONSELLERÍA DE SANIDADE

SUBDIRECCIÓN XERAL DE RÉXIME XURÍDICO E ADMINISTRATIVO

SERVIZO TÉCNICO XURÍDICO

Órgano responsable

SERVIZO TÉCNICO XURÍDICO

Normativa

Ámbito Autonómico

Decreto 159/2014, do 11 de decembro, polo que se establece a organización e funcionamento do Rexistro galego de instrucións previas sobre coidados e tratamento da saúde (DOG nº 248 do 29 de decembro de 2014).

Ligazón á normativa

Obxecto

O titular da piscina deberá comunicar a apertura desta á autoridade competente, antes da súa entrada en funcionamento tras as obras de construción ou modificación desta. A devandita comunicación poderá ser realizada por medios electrónicos.

A onde acudir

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DA CORUÑA

SERVIZO DE XESTIÓN DA CORUÑA

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE LUGO

SERVIZO DE XESTIÓN DE LUGO

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE OURENSE

SERVIZO DE XESTIÓN DE OURENSE

CONSELLERÍA DE SANIDADE

XEFATURA TERRITORIAL DA CONSELLERÍA DE SANIDADE DE PONTEVEDRA

SERVIZO DE XESTIÓN DE PONTEVEDRA

Ler máis Ler menos

Órgano responsable

SERVIZO DE XESTIÓN DA CORUÑA

Normativa

Ámbito Autonómico

Orde do 28 de xullo de 2016 pola que se adaptan e habilitan electronicamente os procedementos administrativos de prazo aberto da Consellería de Sanidade (DOG nº 147 do 4 de agosto de 2016).

Ligazón á normativa

Ámbito Estatal

Real Decreto 742/2013, do 27 de setembro, polo que se establecen os criterios técnico-sanitarios das piscinas (BOE nº 244 do 11 de outubro de 2013).

Ligazón á normativa

Corrección de erros do Real Decreto 742/2013, do 27 de setembro, polo que se establecen os criterios técnico-sanitarios das piscinas (BOE nº 271 do 12 de novembro de 2013).

Ligazón á normativa

Corrección de erros do Real Decreto 742/2013, do 27 de setembro, polo que se establecen os criterios técnico-sanitarios das piscinas (BOE nº 156 do 27 de xuño de 2014).

Ligazón á normativa

Ler máis Ler menos