TR804A - Rexistro e depósito de convenios e acordos colectivos de traballo (REGCON).

Obxecto

O rexistro e depósito de convenios e acordos colectivos de traballo de xeito, unicamente, telemático.

Segundo o artigo 2 da Orde do 29 de outubro de 2010, pola que se crea o Rexistro de Convenios e Acordos Colectivos de Traballo da Comunidade Autónoma de Galicia:
1. Nos termos establecidos no artigo 2º do Real decreto 713/2010, do 28 de maio, sobre rexistro e depósito de convenios e acordos colectivos de traballo, serán obxecto de inscrición no rexistro de convenios e acordos colectivos de traballo os seguintes actos inscribibles:
a. Os convenios colectivos de traballo elaborados consonte ao establecido no Título III do texto refundido da Lei do Estatuto dos Traballadores, aprobado por Real decreto lexislativo 1/1995, do 24 de marzo, así como as revisións salariais que se realicen anualmente nos convenios plurianuais e as motivadas pola aplicación das cláusulas de ?garantía salarial?, as modificacións e as prórrogas dos convenios.

b. Os acordos interprofesionais, os acordos marco e os acordos sobre materias concretas a que se refire o artigo 83 do mesmo texto legal.
c. Os acordos das comisións paritarias de interpretación de cláusulas determinadas do convenio colectivo.
d. Os acordos de mediación como consecuencia da interposición de conflito colectivo, así como os de fin de folga.
e. Os acordos de adhesión a convenios en vigor.
f. Os acordos sectoriais que establecen os termos e condicións que han de seguir os plans de igualdade nas empresas, os acordos que aproben plans de igualdade nas empresas afectadas pola negociación colectiva sectorial, así como os acordos que aproben plans de igualdade derivados do convenio colectivo de empresa.
g. Calquera outro acordo ou laudo arbitral que teñan legalmente recoñecida eficacia de convenio colectivo ou que derive do establecido nun convenio colectivo.

2. Tamén serán obxecto de inscrición as comunicacións de iniciativa mencionadas no artigo 89.1 do Estatuto dos Traballadores e as denuncias previstas no seu artigo 86.

3. Así mesmo, serán obxecto de inscrición:
a. As comunicacións da autoridade laboral á xurisdición competente nos supostos do artigo 90.5 do Estatuto dos Traballadores, así como as sentenzas recaídas nos devanditos procedementos.
b. As sentenzas da xurisdición competente que interpreten normas convencionais, resolvan discrepancias plantexadas nun conflito colectivo ou se diten como consecuencia da impugnación dun convenio colectivo.
c. As disposicións sobre extensión dun convenio, previstas no artigo 92.2 do Estatuto dos Traballadores.

Por outra banda, segundo a DA única, da referida Orde do 29 de outubro sobre depósito de convenios e acordos de eficacia limitada e acordos de empresa (que se corresponde coa DA 2ª do RD 713/2010):
Cando se solicite o depósito de convenios ou acordos colectivos de eficacia limitada ou acordos de empresa non incluídos no artigo 2.1.g desta orde no rexistro da autoridade laboral, deberá remitirse por medios electrónicos o texto deste, así como cubrir os datos estatísticos e identificativos que figuran nos anexos 1 e 2 do Real decreto 713/2010, do 28 de maio. Así mesmo, se poderá solicitar o depósito dos acordos que aproben os plans de igualdade de empresa que carezan de convenio colectivo propio e non deriven do establecido nun convenio sectorial.

Ler máis Ler menos

A quen vai dirixido?

As comisións negociadoras dos convenios ou acordos colectivos, formadas por representantes do empresariado e das persoas traballadoras.

Requisitos

O artigo 4 da referida orde, establece:
Segundo o artigo 6º do Real decreto 713/2010, do 28 de maio, sobre rexistro e depósito de convenios e acordos colectivos de traballo, o procedemento de inscrición no rexistro axústase ás seguintes prescricións:
1) A fin de iniciar o trámite previsto no artigo 90.2 do Estatuto dos Traballadores, así como para proceder á inscrición do resto dos acordos e actos inscribibles previstos no artigo 2 desta orde, dentro do prazo de quince días a partir da sinatura do convenio ou acordo colectivo, da data de comunicación da iniciativa de negociación ou denuncia, a comisión negociadora ou quen formule a solicitude, debidamente acreditada, deberá presentar ante o rexistro, a través de medios electrónicos, a solicitude de inscrición correspondente.
Para estes efectos, serán solicitantes da inscrición:

a) Convenio ou acordo: a persoa designada pola comisión negociadora.
b) Acordos das comisións paritarias: a persoa designada pola comisión paritaria.
c) Os laudos arbitrais e os acordos de mediación: a persoa designada pola comisión negociadora que acordase someterse a estes. Non obstante, se estes se acordaron no seo dun sistema de mediación ou arbitraxe, o órgano de dirección organismo correspondente.
d) Acordos en conflitos colectivos ou de fin de folga: a persoa designada polas partes en conflito.
e) Comunicacións do artigo 89.1 e as denuncias do artigo 86 do Estatuto dos Traballadores: quen formulara a comunicación ou denuncia.
f) Nos casos de comunicacións de sentenzas: a parte lexitimada conforme a Lei 36/2011, do 10 de outubro, reguladora da xurisdición social, que impugnara un convenio colectivo, ou a parte lexitimada conforme a dita lei que interpuxera o conflito colectivo.
g) As extensións dos convenios: a parte que solicite a extensión.
2) A solicitude de inscrición realizarase utilizando os formularios automáticos previstos na conexión telemática denominada REGCON que está albergada na seguinte dirección electrónica:
http://explotacion.mtin.gob.es/regcon/gal/index.htm

Ler máis Ler menos

A onde acudir

CONSELLERÍA DE ECONOMÍA, EMPREGO E INDUSTRIA

SECRETARÍA XERAL DE EMPREGO

SUBDIRECCIÓN XERAL DE RELACIÓNS LABORAIS

SERVIZO DE RELACIÓNS LABORAIS, SEGURIDADE E SAÚDE LABORAL

San Lázaro, s/n

15781 Santiago de Compostela (Coruña, A)

Teléfono: 981957752 / 981544615

Fax: 981957751

Email: dxtes.ctb@xunta.es

CONSELLERÍA DE ECONOMÍA, EMPREGO E INDUSTRIA

XEFATURA TERRITORIAL DA CONSELLERÍA DE ECONOMÍA, EMPREGO E INDUSTRIA DA CORUÑA

SERVIZO DE EMPREGO E ECONOMÍA SOCIAL DA CORUÑA

Avda. Salvador de Madariaga, 9-1º - Centro comercial de Elviña

15008 Coruña, A (Coruña, A)

Teléfono: 881881582 / 981185893

Fax: 981881581

CONSELLERÍA DE ECONOMÍA, EMPREGO E INDUSTRIA

XEFATURA TERRITORIAL DA CONSELLERÍA DE ECONOMÍA, EMPREGO E INDUSTRIA DE LUGO

SERVIZO DE EMPREGO E ECONOMÍA SOCIAL DE LUGO

Ronda da Muralla nº 70 baixo

27071 Lugo (Lugo)

Teléfono: 982294385

Fax: 982294258

CONSELLERÍA DE ECONOMÍA, EMPREGO E INDUSTRIA

XEFATURA TERRITORIAL DA CONSELLERÍA DE ECONOMÍA, EMPREGO E INDUSTRIA DE OURENSE

SERVIZO DE EMPREGO E ECONOMÍA SOCIAL DE OURENSE

Avda. da Habana, nº 79 - 6º

32071 Ourense (Ourense)

Teléfono: 988386196 / 988386839

Fax: 988386838

CONSELLERÍA DE ECONOMÍA, EMPREGO E INDUSTRIA

XEFATURA TERRITORIAL DA CONSELLERÍA DE ECONOMÍA, EMPREGO E INDUSTRIA DE PONTEVEDRA

SERVIZO DE EMPREGO E ECONOMÍA SOCIAL DE VIGO

Rúa Concepción Arenal, nº 8 - 2º

36201 Vigo (Pontevedra)

Teléfono: 986817008 / 986817016

Fax: 986817010

Ler máis Ler menos

Órgano responsable

SERVIZO DE RELACIÓNS LABORAIS, SEGURIDADE E SAÚDE LABORAL

Normativa

Ámbito Autonómico

Orde do 29 de outubro de 2010, pola que se crea o Rexistro de Convenios e Acordos Colectivos de Traballo da Comunidade Autónoma de Galicia (DOG nº 222, do 18 de novembro de 2010).

Ligazón á normativa

Ámbito Estatal

Real decreto 713/2010, do 28 de maio, sobre rexistro e depósito de convenios e acordos colectivos de traballo, a persoas traballadoras afectadas por procesos de reestruturación de empresas (BOE nº 143 do 12 de xuño de 2010).

Ligazón á normativa