MR435F - Comunicación do inicio da actividade de inspección.

Obxecto

Este decreto ten por obxecto regular na Comunidade Autónoma de Galicia as inspeccións periódicas dos equipos de aplicación dos produtos fitosanitarios, o censo de equipos de aplicación dos produtos fitosanitarios, o procedemento de autorización e rexistro das estacións de inspección, o procedemento e o programa de inspección, a formación dos directores e inspectores das estacións de inspección e a creación do Comité Fitosanitario Galego.

Establécese como modelo oficial de distintivo auto adhesivo o do anexo IV de este decreto. Este distintivo auto adhesivo, que ten que indicar, o ano límite no que ten que pasar a próxima inspección, entregarase conxuntamente co certificado de inspección cando o resultado da inspección sexa positivo e deberá fixarse nun lugar ben visible da maquina.

No momento da inspección ou nos sete días seguintes a esta, emitirase un certificado que reflicta todos os datos do equipo e do titular con todas as comprobacións feitas no momento da inspección e a valoración do cumprimento ou incumprimento destas. A acta reservará un espazo para a validación por parte da administración ou entidades certificadoras das inspeccións sometidas a control oficial. O certificado deberá indicar se a maquina é apta ou non para o seu uso.

As ITEAF que realicen inspeccións oficiais na Comunidade Autónoma de Galicia comunicarán á Dirección Xeral competente en materia de sanidade vexetal o resultado das inspeccións antes dos sete días seguintes a terse realizado, empregando obrigatoriamente os medios telemáticos que se poñan a disposición das ITEAF para a gravación dos resultados.

Ler máis Ler menos

A quen vai dirixido?

Propietarios de maquinaria de aplicación de produtos fitosanitarios.

A onde acudir

Consellería do Medio Rural

Dirección Xeral de Gandaría, Agricultura e Industrias Agroalimentarias

Subdirección Xeral de Explotacións Agrarias

Órgano responsable

Subdirección Xeral de Explotacións Agrarias

Normativa

Ámbito Autonómico

Decreto 60/2014, do 15 de maio, polo que se regulan as inspeccións periódicas dos equipos de aplicación de produtos fitosanitarios e se crea o Comité Fitosanitario Galego (DOG nº 104 do 3 de xuño de 2014).

Ligazón á normativa

Ámbito Estatal

Real decreto 1702/2011, do 18 de novembro, de inspeccións periódicas dos equipamentos de aplicación de produtos fitosanitarios (BOE nº 296 do 9 de decembro de 2011).

Ligazón á normativa

Corrección de erros do Real decreto 1702/2011, do 18 de novembro, de inspeccións periódicas dos equipamentos de aplicación de produtos fitosanitarios (BOE nº 107 do 4 de maio de 2012).

Ligazón á normativa