MR435D - Inspección periódica dos equipos de aplicación de produtos fitosanitarios.

Obxecto

Este decreto ten por obxecto regular na Comunidade Autónoma de Galicia as inspeccións periódicas dos equipos de aplicación dos produtos fitosanitarios, o censo de equipos de aplicación dos produtos fitosanitarios, o procedemento de autorización e rexistro das estacións de inspección, o procedemento e o programa de inspección, a formación dos directores e inspectores das estacións de inspección e a creación do Comité Fitosanitario Galego.

Aqueles propietarios de maquinaria de aplicación de produtos fitosanitarios que desexen que as súas máquinas sexan inspeccionadas, poderán solicitalo a calquera das Inspeccións Técnicas de Equipos de Aplicación Fitosanitarios (ITEAF) privadas debidamente autorizadas. Se a revisión se solicita á administración remitirán a solicitude cumprimentada segundo o modelo do anexo II, acompañada da documentación correspondente.

A quen vai dirixido?

Propietarios de maquinaria de aplicación de produtos fitosanitarios.

Requisitos

1.- A maquina deberá estar completamente limpa de restos de produtos fitosanitarios.
2.- No caso de equipos nos que o produto se distribúa diluído con auga deberán ter cheo o deposito de auga limpa polo menos ata a metade.

A onde acudir

Consellería do Medio Rural

Dirección Xeral de Gandaría, Agricultura e Industrias Agroalimentarias

Subdirección Xeral de Explotacións Agrarias

Órgano responsable

Subdirección Xeral de Explotacións Agrarias

Normativa

Ámbito Autonómico

Decreto 60/2014, do 15 de maio, polo que se regulan as inspeccións periódicas dos equipos de aplicación de produtos fitosanitarios e se crea o Comité Fitosanitario Galego (DOG nº 104 do 3 de xuño de 2014).

Ligazón á normativa

Ámbito Estatal

Real decreto 1702/2011, do 18 de novembro, de inspeccións periódicas dos equipamentos de aplicación de produtos fitosanitarios (BOE nº 296 do 9 de decembro de 2011).

Ligazón á normativa

Corrección de erros do Real decreto 1702/2011, do 18 de novembro, de inspeccións periódicas dos equipamentos de aplicación de produtos fitosanitarios (BOE nº 107 do 4 de maio de 2012).

Ligazón á normativa