IN842A - Subvencións a accións de comunicación e divulgación científica e tecnolóxica (DiverCiencia) no marco programa de comunicación e sensibilización social (CSS) do plan galego de investigación, desenvolvemento e innovación tecnolóxica.

Obxecto

Fomentar unha cultura do coñecemento da ciencia e a tecnoloxía que posibilite que o conxunto da sociedade teña unha mellor percepción das actividades de I+D+I e dos resultados que delas se derivan. Así mesmo, debe promover a sensibilización social que faga posible un maior recoñecemento das actividades de I+D+I e dos seus resultados na sociedade. Neste contexto, as actividades de comunicación e divulgación da ciencia que promovan especialmente a participación de colectivos aos que a ciencia non chega habitualmente, en particular aqueles máis afastados do ámbito da ciencia e da tecnoloxía, ademais dos nenos e os mozos, son elementos centrais deste programa; así como a concienciación da importancia do potencial das mulleres no eido da investigación e das medidas de igualdade que cómpre implantar. Valoraranse aquelas actividades que introduzan medidas para facilitar a participación deses colectivos, por exemplo a celebración das actividades en horarios non laborais. Para levar á práctica ditos obxectivos, o Programa de Comunicación e Sensibilización Social xestiona a presente convocatoria de axudas para a realización de actividades de comunicación e divulgación científica e tecnolóxica [DIVERCIENCIA].

OBXECTIVOS:
A presente convocatoria ten como obxectivos específicos:
­- Concienciar ao conxunto da sociedade sobre a importancia da I+D+I e da cultura científica no desenvolvemento económico e no benestar social de Galicia mediante a súa participación en actividades de ciencia e tecnoloxía.
­- Promover nas entidades galegas vinculadas coa ciencia e a tecnoloxía a realización de accións de divulgación e comunicación científica e tecnolóxica para o conxunto da sociedade. Para iso é fundamental que as accións de divulgación e comunicación científica e tecnolóxica estean relacionadas co ámbito de actuación das entidades que as desenvolven.
­- Impulsar o espírito científico e emprendedor e as profesións de científicos e tecnólogos entre as mulleres e mozos.
­- Celebrar a Semana da Ciencia en Galicia, así como outros fitos de carácter científico como a conmemoración do Ano Darwin ou do Ano Internacional da Astronomía.

MODO DE PARTICIPACIÓN:
As bases da convocatoria e a documentación para a presentación de solicitudes pode descargarse da páxina web da Dirección Xeral de Investigación, Desenvolvemento e Innovación: http://www.conselleriaiei.org/dxidi

Ler máis Ler menos

A quen vai dirixido?

Poderán ser beneficiarios das subvencións, sen prexuízo de reunir os demais requisitos establecidos nestas bases, as seguintes entidades con personalidade xurídica propia e sen ánimo de lucro da Comunidade Autónoma:
a) Universidades do Sistema Universitario de Galicia.
b) Centros tecnolóxicos recoñecidos pola Dirección Xeral de I+D+I.
c) Organismos dependentes da Comunidade Autónoma ou da Administración Xeral do Estado, que desenvolvan actividades de investigación ou divulgación da ciencia e da tecnoloxía.
d) Organismos dependentes das entidades locais galegas que desenvolvan actividades de investigación ou divulgación da ciencia e da tecnoloxía.
e) Institucións sen ánimo de lucro:
- Que dentro dos fins e obxectivos, recollidos nos seus estatutos ou documentos fundacionais, teñan competencias relacionadas coa investigación científica, o desenvolvemento tecnolóxico, a difusión e a divulgación da cultura científica.
- Que teñan capacidade e experiencia demostrada para o desenvolvemento das anteriores actividades.

Requisitos

a) Que se poidan inserir nalgúns dos obxectivos enunciados nesta convocatoria.
b) Estar dirixidas a un público non especializado e non habitual nas actividades relacionadas coa ciencia e tecnoloxía.
c) Ter carácter aberto e gratuíto.
d) Contar cun plan de difusión e comunicación. As entidades beneficiarias deberán difundir as actividades a través de accións de publicidade axeitadas para o público ao cal van dirixidas.
e) Empregar a lingua galega tanto no desenvolvemento da actividade como nos contidos de todo o material impreso, audiovisual ou electrónico que se produza.
f) As actividades deberán ser innovadoras, ter carácter lúdico e fomentar a participación cidadá.

Por exemplo: cafés científicos; exposicións; feiras científicas; visitas guiadas; obradoiros; excursións; ciclos de cine; representacións de teatro científico; e outras actividades, sempre e cando cumpran cos requisitos e cos criterios de selección indicados nesta convocatoria.
Non obstante, quedarán expresamente excluídas as conferencias, as xornadas de portas abertas e todas aquelas accións dirixidas a un público especializado.

MODO DE PARTICIPACIÓN:
As bases da convocatoria e a documentación para a presentación de solicitudes pode descargarse da páxina web da Dirección Xeral de Investigación, Desenvolvemento e Innovación: http://www.conselleriaiei.org/dxidi

Ler máis Ler menos

A onde acudir

CONSELLERÍA DE ECONOMÍA, EMPREGO E INDUSTRIA

AXENCIA GALEGA DE INNOVACIÓN

Órgano responsable

AXENCIA GALEGA DE INNOVACIÓN

Normativa

Ámbito Autonómico

Orde do 16 de xullo de 2010 pola que se establecen as bases para a concesión, en réxime de concorrencia competitiva, das subvencións correspondentes a accións de comunicación e divulgación científica e tecnolóxica (Diverciencia) no marco do Programa de comunicación e sensibilización social (CSS) do Plan Galego de Investigación, Desenvolvemento e Innovación Tecnolóxica (PGIDIT) e se procede á súa convocatoria para o ano 2010 (DOG nº 120 do 142 de 27 de xullo de 2010)

Ligazón á normativa