IN417D - Axudas para o aforro e eficiencia enerxética: estudos xerais de mobilidade urbana sustentábel (EPM)

Obxecto

Estas bases teñen por obxecto regular a concesión de subvencións ás actuacións e proxectos de aforro e eficiencia enerxética, tal e como se definen por sectores de actividade nas epígrafes do anexo I, que cumpran cos requisitos e condicións establecidos no seu articulado e anexos.

Poderán obter dereito a subvención todas aquelas actuacións solicitadas dentro do prazo previsto no artigo 5 destas bases, sempre que se executen entre o día 1 de xaneiro de 2011 e o 15 de setembro de 2012 dentro do territorio da Comunidade Autónoma de Galicia.

Estas axudas van dirixidas ao Sector transporte, para:

Estudos integrais de mobilidade urbana sustentable (EPM).

Concepto e custo elixible.

Estudos integrais de mobilidade urbana sustentable, dirixidos a promover actuacións na mobilidade urbana que fagan posible un cambio modal cara á utilización de medios de transporte menos consumidores de enerxía.

O estudo debe realizarse de acordo ca «Guía práctica PMUS» dispoñible en www.inega.es, incluíndo a avaliación enerxética. A citada guía tamén contén un modelo xeral de especificacións técnicas para a contratación da asistencia técnica. O incumprimento destes requisitos poderá dar lugar á minoración ou denegación da axuda segundo corresponda.

Contía máxima da subvención.

O 60% do custo do estudo cos seguintes valores máximos de licitación en función da poboación da área afectada.

Ler máis Ler menos

A quen vai dirixido?

Os concellos ou a autoridade de transporte público correspondente contratarán a asistencia técnica para a redacción dos plans de mobilidade urbana sustentable (PMUS) das cidades afectadas.

Requisitos

Os proxectos que afecten a varios municipios poderán ser presentados nunha solicitude, sempre que presenten a conformidade dos municipios afectados.

Os beneficiarios deberán manifestar o compromiso de levar a cabo as medidas que se propoñan nestes estudos, sempre e cando sexan viables técnica e economicamente, mediante aprobación polo órgano de goberno correspondente.

A onde acudir

CONSELLERÍA DE ECONOMÍA, EMPREGO E INDUSTRIA

INSTITUTO ENERXÉTICO DE GALICIA (INEGA)

Órgano responsable

INSTITUTO ENERXÉTICO DE GALICIA (INEGA)

Normativa

Ámbito Autonómico

Resolución do 2 de setembro de 2011 pola que se establecen as bases reguladoras e se anuncia a convocatoria de subvencións a proxectos de aforro e eficiencia enerxética para o exercicio 2011, no marco do convenio subscrito entre o IDAE e o Inega o día 3 de xullo de 2008 e con financiamento en parte do Fondo Europeo de Desenvolvemento Rexional ao abeiro do Programa operativo Feder Galicia 2007-2013 (DOG nº 176 de 14 de setembro de 2011).

Ligazón á normativa

Corrección de erros. Resolución do 2 de setembro de 2011 pola que se establecen as bases reguladoras e se anuncia a convocatoria de subvencións a proxectos de aforro e eficiencia enerxética para o exercicio 2011, no marco do convenio subscrito entre o IDAE e o Inega o día 3 de xullo de 2008 e con financiamento en parte do Fondo Europeo de Desenvolvemento Rexional ao abeiro do Programa operativo Feder Galicia 2007-2013 (DOG nº 192 de 6 de outubro de 2011).

Ligazón á normativa