BS211A - Recoñecemento do dereito á efectividade das prestacións económicas dos solicitantes falecidos durante á tramitación do procedemento de recoñecemento da situación de dependencia e do dereito ás prestacións do sistema

Obxecto

Regular o procedemento para solicitar o dereito á efectividade das prestacións económicas das persoas solicitantes falecidas só será recoñecido no suposto en que a Administración competente incorrese en demora en relación co prazo máximo para resolver establecido na normativa de aplicación sen que o/a interesado/a recibise a notificación da resolución pola que se aprobe o seu programa individual de atención.

A quen vai dirixido?

Titulares do dereito.
1.Considérase persoa beneficiaria deste dereito, e segundo o disposto no artigo 40 do decreto 15/2010, do 4 de febreiro, a persoa que soportara o gasto.
2.Si o gasto o soportou a persoa solicitante falecida, o abono das cantidades que correspondan derivadas deste recoñecemento corresponderá á comunidade hereditaria.
3.Si o gasto o soportou outra persoa física distinta da persoa solicitante falecida, o aboamento das cantidades que correspondan derivadas deste recoñecemento corresponderá a esa/s persoa/s físicas sempre e cando acrediten todos os extremos sinalados nesta orde.
4.No caso de libranza para coidados no contorno familiar considérase persoa beneficiaria á persoa coidadora non profesional sempre e cando cumpra os requisitos establecidos.

Requisitos

Requisitos comúns.
O dereito á efectividade das prestacións económicas das persoas solicitantes falecidas só será recoñecido no suposto en que a Administración competente incorrese en demora en relación co prazo máximo para resolver establecido na normativa de aplicación sen que o/a interesado/a recibise a notificación da resolución pola que se aprobe o seu programa individual de atención. Así, para as solicitudes presentadas con anterioridade á entrada en vigor do decreto 15/2010, do 4 de febreiro, o prazo establecido é de doce meses segundo o disposto no decreto 176/2007, do 6 de setembro.
Para as solicitudes presentadas con posterioridade á entrada en vigor do decreto 15/2010, do 4 de febreiro, e segundo o disposto nos seus artigos 14 e 15, o prazo establecido é de seis meses dende a data de presentación da solicitude.

Non xerarán este dereito aquelas solicitudes nas que o/a interesado/a desistise do procedemento, renunciase aos dereitos recoñecidos ou cuxo expediente estivese paralizado por causa imputable ao/á propio/a interesado/a.

Non xera este dereito cando o/a interesado/a estivese sendo atendido/a, simultaneamente á tramitación do expediente de dependencia, a través dun recurso do sistema galego de servizos sociais incluído como prestación do catálogo do SAAD.

Para o recoñecemento desta efectividade é preciso que da documentación obrante no expediente se poida probar o grao e nivel de dependencia do/a interesado/a. Para estes efectos será preciso que, como mínimo, conste no expediente o informe de condicións de saúde e o informe social e, ademais, o resultado da aplicación do baremo establecido normativamente. Asemade é preciso que o grao e nivel de dependencia que se recoñecera ou se probe xere dereito no período de referencia segundo o calendario de implantación disposto na disposición final primeira da Lei 39/2006, do 14 de decembro.

Requisitos específicos.

?Requisitos específicos para a libranza vinculada á adquisición de servizos.

- Para os efectos do recoñecemento da efectividade deste dereito deberá quedar acreditado o cumprimento de todos os requisitos establecidos nos artigos 32 e 33 da orde en relación aos requisitos exixidos para esta libranza.
- En particular, deberá quedar acreditado que a persoa beneficiaria obtivo efectivamente, durante o período de referencia, a prestación do servizo por unha entidade debidamente acreditada para a atención a persoas en situación de dependencia.

?Requisitos específicos para a libranza de coidados no contorno familiar.

- Aos efectos do recoñecemento da efectividade deste dereito deberá de quedar acreditado o cumprimento de todos os requisitos establecidos nos artigos 36, 37 e 38 da orde en relación con esta libranza.

Ademais, deberá acreditarse:

- Que o Programa Individual de atención da persoa beneficiaria, de existir, determine a adecuación desta prestación.
- Que os coidados que se deriven da súa situación de dependencia se estiveron a prestar no seu domicilio habitual e con carácter previo á solicitude, debendo residir a persoa en situación de dependencia en dito domicilio como mínimo 9 meses ao ano.
- Que se deron as condicións axeitadas de convivencia e habitabilidade da vivenda para a prestación dos coidados necesarios. Valorarase as condicións axeitadas de habitabilidade da vivenda, entre as que se terá en conta a accesibilidade suficiente que permitira o exercicio das funcións de coidado persoal.
A convivencia no mesmo domicilio constitúe un elemento referencial de condición axeitada, sendo requisito necesario o de que a persoa coidadora convivira coa persoa en situación de dependencia no mesmo domicilio durante o tempo de referencia dos coidados. No informe que se elabore polos servizos sociais comunitarios, de saúde ou especializados, de ser o caso, debe de quedar constancia de que se deron as condicións de convivencia e relación no mesmo domicilio.

?Requisitos específicos para a libranza de asistente persoal.

- Para os efectos do recoñecemento da efectividade deste dereito deberá de quedar acreditado o cumprimento de todos os requisitos establecidos nos artigos 42 a 43 da orde en relación con esta libranza.
- En particular, deberá quedar acreditado que a persoa beneficiaria obtivera efectivamente, durante o período de referencia, a prestación do servizo por unha entidade debidamente acreditada para a atención a persoas en situación de dependencia ou directamente mediante contrato laboral ou de prestación de servizos.

Prazo para a solicitude da efectividade deste dereito.
O prazo establecido para solicitar a efectividade do dereito ás prestacións económicas das persoas solicitantes falecidas será de cinco anos dende a data en que se produciu ou se produza o falecemento da persoa solicitante, segundo o establecido no artigo 27 do decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia.

Ler máis Ler menos

A onde acudir

CONSELLERÍA DE POLÍTICA SOCIAL

XEFATURA TERRITORIAL DA CONSELLERÍA DE POLÍTICA SOCIAL DA CORUÑA

SERVIZO DE DEPENDENCIA E AUTONOMÍA PERSOAL DA CORUÑA

R/Concepción Arenal, 7-9

15006 Coruña, A (Coruña, A)

Teléfono: 881881504

Fax: 981881506

CONSELLERÍA DE POLÍTICA SOCIAL

XEFATURA TERRITORIAL DA CONSELLERÍA DE POLÍTICA SOCIAL DE LUGO

Servizo de Dependencia e Autonomía Persoal de Lugo

R/ Serra de Ancares, 68 baixo

27003 Lugo (Lugo)

Teléfono: 982294427

Fax: 982889162

CONSELLERÍA DE POLÍTICA SOCIAL

XEFATURA TERRITORIAL DA CONSELLERÍA DE POLÍTICA SOCIAL DE OURENSE

SERVIZO DE DEPENDENCIA E AUTONOMÍA PERSOAL DE OURENSE

R/ Sáenz Díez, nº 33

32003 Ourense (Ourense)

Teléfono: 988386199

Fax: 988386159

CONSELLERÍA DE POLÍTICA SOCIAL

XEFATURA TERRITORIAL DA CONSELLERÍA DE POLÍTICA SOCIAL DE VIGO

SERVIZO DE DEPENDENCIA E AUTONOMÍA PERSOAL DE VIGO

Rúa Concepción Arenal, nº 8

Teléfono: 986817669

Ler máis Ler menos

Órgano responsable

SECRETARÍA XERAL TÉCNICA DA CONSELLERÍA DE POLÍTICA SOCIAL

Normativa

Ámbito Autonómico

Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do Programa Individual de Atención e a organización e funcionamento dos órganos técnicos competentes (DOG nº 34 de 19 de febreiro de 2010).

Ligazón á normativa

Orde do 2 de xaneiro de 2012 de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do Sistema para a Autonomía e a Atención á Dependencia, o procedemento para a elaboración do programa individual de atención e a organización e funcionamento dos órganos técnicos competentes (DOG nº 9 do 13 de xaneiro do 2012).

Ligazón á normativa

Corrección de erros. Orde do 2 de xaneiro de 2012 de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do Sistema para a Autonomía e a Atención á Dependencia, o procedemento para a elaboración do programa individual de atención e a organización e funcionamento dos órganos técnicos competentes (DOG nº 67 do 9 de abril de 2012).

Ligazón á normativa

Corrección de erros. Orde do 19 de abril de 2013 pola que se modifica a Orde do 2 de xaneiro de 2012 de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e a atención á dependencia, o procedemento para a elaboración do programa individual de atención e a organización e o funcionamento dos órganos técnicos competentes (DOG nº 94 do 20 de maio de 2013).

Ligazón á normativa

Orde do 27 de marzo de 2014 pola que se modifica a Orde do 2 de xaneiro de 2012, de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do Programa individual de atención e a organización e funcionamento dos órganos técnicos competentes (DOG nº 64 do 2 de abril de 2014).

Ligazón á normativa

Orde do 25 de febreiro de 2015 pola que se modifica a Orde do 2 de xaneiro de 2012 de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do Sistema para a autonomía e a atención á dependencia, o procedemento para a elaboración do Programa individual de atención e a organización e funcionamento dos órganos técnicos competentes (DOG nº 45 do 6 de marzo de 2015).

Ligazón á normativa

Orde do 27 de agosto de 2015 pola que se modifica a Orde do 2 de xaneiro de 2012, de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do Sistema para a autonomía e atención á dependencia, o procedemento para a elaboración do Programa individual de atención e a organización e o funcionamento dos órganos técnicos competentes (DOG nº 169 do 4 de setembro de 2015).

Ligazón á normativa

Orde do 12 de novembro de 2014 pola que se modifica a Orde do 2 de xaneiro de 2012 de desenvolvemento do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do Sistema para a autonomía e a atención á dependencia, o procedemento para a elaboración do programa individual de atención e a organización e o funcionamento dos órganos técnicos competentes (DOG nº 222 do 19 de novembro de 2014).

Ligazón á normativa

Ámbito Estatal

Lei 39/2006, do 14 de decembro, de Promoción da Autonomía Persoal e Atención ás persoas en situación de dependencia (BOE nº 299 do 15 de decembro de 2006).

Ligazón á normativa

Real Decreto 614/2007, do 11 de maio, sobre nivel mínimo de protección do Sistema para a Autonomía e Atención á Dependencia garantido pola Administración Xeral do Estado (BOE nº do 12 de maio de 2007).

Ligazón á normativa

Corrección de erros do Real Decreto 615/2007, do 11 de maio, polo que se regula a Seguridade Social dos coidadores das persoas en situación de dependencia (BOE nº 140 do 12 de xuño de 2007).

Ligazón á normativa

Real Decreto 615 /2007, do 11 de maio, polo que se regula a Seguridade Social dos coidadores das persoas en situación de dependencia (BOE nº do 12 de maio de 2007).

Ligazón á normativa

Real Decreto 504/2007, do 20 de abril, polo que se aproba o baremo de valoración da situación de dependencia establecido pola Lei 39/2006, do 14 de decembro, de promoción da autonomía persoal e atención ás persoas en situación de dependencia (BOE nº 96 do 21 de abril de 2007).

Ligazón á normativa

Ler máis Ler menos