Solicitude de atestados e incidencias sobre accidentes de tráfico nos que actuou a Policía Local.

Descrición

Requisitos de iniciación:

• Ser parte implicadas no accidente ou estar autorizada por elas.
• Ser pai/nai ou titor legal en caso de ser menor.
• Contar co correspondente poder da compañía aseguradora para solicitar o atestado/incidencia.

Como facelo

1. Comprobación de que o atestado corresponde á demarcación de actuación da Policía Local de Ourense. Antes de realizar a solicitude ou de pagar a taxa, é recomendable contactar coa Oficina de Atestados, chamando entre as 10h e as 12h ao teléfono 988511608, con fin de comprobar que o atestado corresponde cos demarcación de actuación da Policía Local de Ourense.
2. Pago da taxa. Antes de presentar a solicitude, debe pagar a taxa. Pode realizar a autoliquidación da taxa no seguinte enlace: Taxa por expedición de documentos administrativos. Unha vez que estea no formulario da autoliquidación debe seleccionar o tipo de documento que liquidará: Atestado ou informe policial segundo sexa o caso.
3. Presentar a solicitude. Realizado o pago da taxa, debe presentar a solicitude. Para presentar a solicitude dispón dos seguintes métodos de tramitación:

Tramitación Electrónica

As persoas obrigadas polo artigo 14.2 da Lei 39/2015 a relacionarse a través de medios electrónicos coa Administración, deberán seleccionar este método de tramitación, non sendo válida para elas un método diferente de tramitación.

Para presentar a solicitude de maneira electrónica, debe:

1. Descargar e cubrir o modelo de "Solicitude de atestados ou incidencias de tráfico nos que actuou a policía local".
2. Reunir o resto de documentación requirida e aquela outra que vostede desexe incluír coa súa solicitude. Debe ter en conta que o rexistro electrónico admite:
   • un máximo de 15 documentos
   • no formato PDF
   • un tamaño máximo por documento de 8.00 MB
3. Realizar a sinatura electrónica de todos os documentos (modelo de solicitude e demais documentos). A Sede Electrónica municipal non está habilitada para a sinatura electrónica de documentación, polo que o proceso de sinatura electrónica debe ser realizado no ordenador do solicitante. No caso de necesitar información sobre como realizar a sinatura electrónica de documentos, pode consultar a "Guía para realizar a sinatura electrónica de documentos (PDF)
4. No caso de non telo feito antes, deberá identificarse na Sede empregando un certificado electrónico ou outro dos métodos de validación de Cl@ve. Logo da identificación atoparase no seu espazo persoal da Sede
5. Acceder ao “Rexistro electrónico” e seleccionar a "Solicitude de atestados de tráfico e incidencias sobre accidentes de tráfico nos que actuou a Policía Local".
6. Engadir toda a documentación, que tal e como se indicou no paso 3 debe estar asinada co seu certificado dixital.
7. Enviar a solicitude.

Feito o envío obterá un xustificante de rexistro de entrada no Concello.

Tramitación Presencial

No caso de tratarse dunha persoa física pode optar por realizar a tramitación electrónica explicada nos parágrafos anteriores, ou realizar a tramitación presencial.

Para a tramitación presencial, debe presentar a solicitude e o resto de documentación en:

• Rexistro Xeral

Praza Maior nº 1

32005 Ourense

Tlfno.: 988 388 100

Horario: De luns a venres de 9:00 a 14:00 horas.

• Oficina Municipal da Ponte

Praza Mestre Luís Fernández s/n (Edificio Praza de Abastos da Ponte)

32001 Ourense

Tlfno.: 988 511 442

Horario: De luns a venres de 9:00 a 14:00 horas.

Tamén poderá presentar a solicitude nas formas previstas no artigo 16.4 da Lei 39/2015 do 1 de outubro.

Modelos de solicitude dispoñibles

• Solicitude de atestados ou incidencias de tráfico nos que actuou a policía local

Documentación requirida

• Solicitude de atestados e incidencias de tráfico nos que actuou a policía local.
• Xustificante de pagamento da taxa.
• No caso de que a persoa implicada no incidente de tráfico non coincida coa persoa solicitante, será necesario un documento que acredite que a persoa implicada autoriza a persoa solicitante a obter unha copia do atestado/incidencia de tráfico.

Oficinas tramitadoras

Normativa

• 06. ORDENANZA FISCAL Nº 6 - Ordenanza fiscal reguladora da taxa por expedición de documentos administrativos.