Reclamación económico-administrativa

Descrición

Actos susceptibles de reclamación económico-administrativa:

Liquidacións provisionais e definitivas de tributos de competencia local.
Resolucións expresas ou presuntas derivadas dunha solicitude de rectificación de autoliquidación de tributos de competencia local.
Os que deneguen ou recoñezan exencións ou bonificacións tributarias e demais beneficios ou incentivos fiscais.
Os que impoñan sancións tributarias.
Os ditados no procedemento de recadación de tributos locais e demais ingresos de dereito púbico de competencia local.
As resolucións dos recursos de reposición.
Os que, distintos dos anteriores, se consideren expresamente impugnables por disposicións ditadas en materia tributaria.

Actos que non admiten reclamación económico-administrativa:

Os actos de imposición de sancións non tributarias e de liquidación dos restantes ingresos públicos non tributarios, salvo os de xestión recadatoria seguida para o cobro en período executivo das débedas derivadas dos devanditos ingresos.
Os ditados en virtude dunha lei que os exclúa de reclamación.

Dirixido a

Lexitimados para interpór unha reclamación económico-administrativa:

Obrigados tributarios e suxeitos infractores.
Persoas cuxos intereses lexítimos e directos resulten afectados polo acto administrativo.

Como facelo

Tramitación Electrónica

As persoas obrigadas a relacionarse a través de medios electrónicos coa Administración, deberán seleccionar este método de tramitación, non sendo válida para elas un método diferente de tramitación.

Para realizar a tramitación electrónica, deberá:

Descargar no seu ordenador o "Modelo de reclamación económico administrativa" e cubrir dito documento.
Asinar de forma electrónica o documento anterior, así coma o resto de documentos que desexe engadir a súa solicitude. A Sede Electrónica municipal non está habilitada para a sinatura electrónica de documentos, así que deberán realizar a sinatura electrónica de documentos no seu ordenador. No caso de necesitar información sobre como asinar documentos de maneira electrónica, pode consultar o documento PDF "Guía para realizar a sinatura electrónica de documentos"
Identificarse na Sede.
Acceder ao Rexistro electrónico e tramitar unha solicitude do tipo "Reclamación económica administrativa"
Engadir o modelo de solicitude e o resto de documentación (documentos que teñen que ter a súa sinatura electrónica, tal e como se indicou en puntos anteriores)
Enviar a solicitude.

Feito o envío obterá xustificante de rexistro de entrada no Concello.

Tramitación Presencial

As persoas non obrigadas a relacionarse coa administración por medios electrónicos, poden optar pola tramitación electrónica ou pode presentar de forma presencial a súa solicitude en:

Rexistro Xeral

Praza Maior nº 1

32005 Ourense

Teléfono: 988 388 100

Horario: De luns a venres de 9:00 a 14:00 horas.

Oficina Municipal da Ponte

Praza Mestre Luís Fernández s/n (Edificio Praza de Abastos da Ponte)

32001 Ourense

Teléfono: 988 511 442

Horario: De luns a venres de 9:00 a 14:00 horas.

Tamén pódese presentar nas formas previstas no artigo 16.4 da Lei 39/2015 de 1 de outubro.

Modelos de solicitude dispoñibles

Documentación requirida

Requisitos do escrito de reclamación:

Deberá conter necesariamente os seguintes extremos:
- Identificación completa do reclamante (nome, apelidos, razón social e NIF), e, no seu caso, do representante (acompañando do documento que acredite a representación).
- Domicilio para recibir notificación
Identificación do acto que se impugna e do órgano administrativo que o ditou.
No escrito de interposición deberá manifestarse non haber presentado previamente recurso potestativo de reposición, ou haber sido este desestimado de forma expresa ou por silencio administrativo. Non poden simultanearse o recurso de reposición e a reclamación económico-administrativa.
O escrito de interposición dirixirase ao órgano administrativo que ditase o acto contra o que se reclama e indicarase que a reclamación se interpón ante o Tribunal Económico-Administrativo do Concello de Ourense.
Poderá utilizarse o modelo de reclamación dispoñible na web do Concello de Ourense.

Información de interese

Prazo para interpor a reclamación:

Será de un mes desde o día seguinte á notificación do acto impugnado, ou desde o seguinte a aquel no que se produzan os efectos do silencio administrativo.

No suposto de débedas de vencemento periódico e notificación colectiva ou de tributos cobrados mediante recibo, o prazo para a interposición se computará desde o día seguinte ó de finalización do periodo voluntario de pago salvo se se interpuxo recurso de reposición; neste caso, o prazo de un mes se computará desde o día seguinte á notificación da resolución expresa ou aquel en que deba entenderse desestimado por silencio administrativo.

Prazo de resolución da reclamación:

A duración do procedemento será dun ano contado desde a interposición da reclamación, transcorrido o cal o interesado poderá entender desestimada a reclamación ao obxecto de interpoñer o recurso procedente.

Recursos contra a resolución da reclamación económico-administrativa:

As resolucións ditadas polo Tribunal serán directamente recurribles en vía contencioso-administrativa diante dos xulgados do contencioso-administrativo de Ourense no prazo de dous meses desde a notificación da resolución.