BS611B - Expedición da tarxeta acreditativa do grao de discapacidade (nova tarxeta)

Obxecto

Creación da tarxeta acreditativa de grao de discapacidade na Comunidade Autónoma de Galicia, así como a regulación do procedemento para a súa obtención.

A quen vai dirixido?

Poderán ser titulares da tarxeta acreditativa de grao de discapacidade as persoas que teñan recoñecido un grao de discapacidade igual ou superior ao trinta e tres por cento, cuxo expediente conste en poder da Administración xeral da Comunidade Autónoma de Galicia, segundo o procedemento establecido no Real decreto 1971/1999, do 23 de decembro, de procedemento para o recoñecemento, declaración e cualificación do grao de discapacidade, desenvolvido pola Orde do 25 de novembro de 2015 da Consellería de Política Social, pola que se regula o procedemento para o recoñecemento, declaración e cualificación do grao de discapacidade e a organización e funcionamento dos órganos técnicos competentes.

Requisitos

1. A tarxeta acreditativa da discapacidade expedirase de oficio para aquelas persoas cuxa resolución de recoñecemento ou de revisión do grao de discapacidade teña lugar posteriormente á entrada en vigor da presente orde e se lles recoñeza nos termos indicados no artigo 3.

2. A tarxeta acreditativa da discapacidade expedirase por petición expresa das persoas interesadas ou por quen teña a súa representación, nos seguintes supostos:

a) As que teñan recoñecido un grao de discapacidade, xa sexa de carácter definitivo ou provisional, igual ou superior ao trinta e tres por cento á data de entrada en vigor desta orde. Con todo, en relación coas persoas que teñan recoñecido un grao de discapacidade igual ou superior ao trinta e tres por cento e en curso unha solicitude de revisión do grao de discapacidade, a tarxeta acreditativa expedirase segundo o disposto na alínea anterior.

A onde acudir

CONSELLERÍA DE POLÍTICA SOCIAL

DIRECCIÓN XERAL DE MAIORES E PERSOAS CON DISCAPACIDADE

Órgano responsable

DIRECCIÓN XERAL DE MAIORES E PERSOAS CON DISCAPACIDADE

Normativa

Ámbito Autonómico

Orde do 20 de xullo de 2016 pola que se crea a tarxeta acreditativa do grao de discapacidade e se regula o procedemento para a súa obtención. (DOG nº 147 do 4 de agosto de 2016).

Ligazón á normativa