MR435C - Rexistro de estacións de inspección técnica de equipos de aplicación de produtos fitosanitarios.

Obxecto

Este decreto ten por obxecto regular na Comunidade Autónoma de Galicia as inspeccións periódicas dos equipos de aplicación dos produtos fitosanitarios, o censo de equipos de aplicación dos produtos fitosanitarios, o procedemento de autorización e rexistro das estacións de inspección, o procedemento e o programa de inspección, a formación dos directores e inspectores das estacións de inspección e a creación do Comité Fitosanitario Galego.

Créase o Rexistro de estacións de inspeccións técnicas de equipos de aplicación fitosanitarios (RITEAF), autorizadas para realizar inspeccións periódicas dos equipos de aplicación de produtos fitosanitarios, o cal queda adscrito á Consellaría competente en materia de agricultura, a través da Dirección competente en materia de sanidade vexetal.

A quen vai dirixido?

Estacións de inspeccións técnicas de equipos de aplicación fitosanitarios.

Requisitos

1.- Poderán ser titulares das ITEAF os considerados no artigo 7 do Real Decreto 1702/2011, do 18 de novembro, de inspeccións periódicas dos equipos de aplicación de produtos fitosanitarios.
2.- Deberán dispoñer de persoal axeitado, axustándose ao disposto no artigo 8 do Real Decreto 1702/2011, do 18 de novembro, de inspeccións periódicas dos equipos de aplicación de produtos fitosanitarios.
3.- Deberán dispoñer de equipamento adecuado, axustándose ao disposto no artigo 9 do Real Decreto 1702/2011, do 18 de novembro, de inspeccións periódicas dos equipos de aplicación de produtos fitosanitarios.
4.- En cumprimento do disposto no artigo 7.3 do Real Decreto 1702/2011, as ITEAF que non pertenzan a Administración Pública, deberán subscribir unha póliza de responsabilidade civil, avais ou outras garantías que cubra os riscos da súa responsabilidade, respecto de danos ambientais, materiais e persoais a terceiros, por unha contía mínima de 300.000 euros de importe asegurado fronte a danos materiais e persoais, e de 500.000 euros de importe asegurado fronte a danos ambientais por contaminación, incluídos gastos de reparación complementaria e compensatoria.

5.- O persoal das ITEAF estará identificado en todo momento durante a realización das inspeccións da maquinaria de tratamentos fitosanitarios.

Ler máis Ler menos

A onde acudir

Consellería do Medio Rural

Dirección Xeral de Gandaría, Agricultura e Industrias Agroalimentarias

Subdirección Xeral de Explotacións Agrarias

Órgano responsable

Subdirección Xeral de Explotacións Agrarias

Normativa

Ámbito Autonómico

Decreto 60/2014, do 15 de maio, polo que se regulan as inspeccións periódicas dos equipos de aplicación de produtos fitosanitarios e se crea o Comité Fitosanitario Galego (DOG nº 104 do 3 de xuño de 2014).

Ligazón á normativa

Ámbito Estatal

Real decreto 1702/2011, do 18 de novembro, de inspeccións periódicas dos equipamentos de aplicación de produtos fitosanitarios (BOE nº 296 do 9 de decembro de 2011).

Ligazón á normativa

Corrección de erros do Real decreto 1702/2011, do 18 de novembro, de inspeccións periódicas dos equipamentos de aplicación de produtos fitosanitarios (BOE nº 107 do 4 de maio de 2012).

Ligazón á normativa