Bonificación do 90% do Imposto de Bens Inmobles (IBI) para Empresas de Urbanización, Construción e Promoción Inmobiliaria

Actualizado el 18 de diciembre de 2019

Terán dereito a unha bonificación do 90% na cota íntegra do Imposto de Bens Inmobles, sempre que así se solicite polos interesados antes do inicio das obras, os inmobles que constitúan o obxecto da actividade das empresas de urbanización, construción e promoción inmobiliaria tanto de obra nova como de rehabilitación equiparable a esta, e non figuren entre os bens do seu inmobilizado.

A quen está dirixido

Empresas de urbanización, construción e promoción inmobiliaria.

O solicitante deberá estar dado de alta no IAE e ser titular, ou telo solicitado, do inmoble.

Como facelo

NOTA: Pode consultar os solicitantes obrigados a relacionarse coa administración de maneira electrónica.

Por Internet

Prema no botón Tramitar por Internet e siga os pasos que se lle indican.

Tramitar por Internet >>

Presencialmente

Facendo a solicitude por escrito en documento regulamentado que deberá entregar, xunto coa documentación requirida, no Rexistro Xeral do Concello.

Documentación requirida

Impreso de solicitude de bonificación do 90% da cota do IBI para empresas de urbanización, construción e promoción inmobiliaria Pode consultar a Referencia Catastral no recibo do Imposto de Bens Inmobles, na oficina virtual do catastro e nos puntos de información catastral do Concello .

Deberá acompañar orixinal de:
- Certificado onde conste a referencia catastral
  Resultante da agrupación para a que solicita a bonificación, expedido pola Xerencia Territorial do Catastro.
- Declaración Xurada
  De que a devandita construción é exclusivamente para a venda.
- Declaración Xurada
  Ou certificado conforme a finca non forma parte do inmobilizado da empresa.

Deberá acompañar fotocopia de:
- Último balance de situación presentado en Facenda
- Plano de situación da obra
- C.I.F. da sociedade
- Modelo 902 de demolición ou derribo da antiga construción
- Licenza de Obra
  Outorgada polo Concello ou ben o documento que acredite tela solicitada.

Unha vez feita a solicitude deberá achegarse en canto sexa posible
- Certificado que acredite a data de inicio das obras
  Expedido polo técnico-director da obra e visado polo Colexio Oficial.

Observacións

O prazo de aplicación desta bonificación comprenderá dende o período impositivo seguinte a aquel no que se inicien as obras ata o posterior a terminación das mesmas, sempre que durante ese tempo se realicen obras de urbanización ou construción efectiva, e sen que, en ningún caso, poida exceder de tres períodos impositivos.

Oficinas

Oficina do I.B.I.
Concello de Vigo
Administración de Tributos - Departamento de I.B.I.
Planta Baixa
Praza do Rei 1
36202 Vigo
Teléfono: 986 810 116

Horario: De 9:00 a 13:30 horas.