Autoliquidación da Taxa pola Prestación de Servizos na "Galería de Servizos de Navia"

Constitúe o feito impoñible da presente taxa a prestación de servizos ou a realización de actividades consistentes na vixilancia, mantemento e reparación das Galerías de Servizos Municipais, que afecten ou beneficien aos usuarios das Galerías por teren instalados nelas tuberías, cables, fíos condutores ou calquera outro elemento.

A quen está dirixido

Usuarios das Galerías, que fosen titulares de tuberías, cables, fíos condutores ou calquera outro elemento que se instale nas Galerías de Servizos obxecto de mantemento Municipal.

Como facelo

NOTA: Pode consultar os solicitantes obrigados a relacionarse coa administración de maneira electrónica.

Por Internet

Prema no botón Tramitar por Internet e siga os pasos que se lle indican.

Tramitar por Internet >>

Presencialmente

Debe cubrir o formulario web, nesta páxina e presentar a solicitude/autoliquidación resultante nas entidades bancarias colaboradoras para facer o pago da tasa.

Unha vez feito o pago presente o impreso correspondente ao Concello, xunto coa documentación necesaria, no Rexistro Xeral do Concello de Vigo.

Por correo

Debe cubrir o formulario web, nesta páxina, e presentar a solicitude/autoliquidación resultante nas entidades bancarias colaboradoras para facer o pagamento da taxa.

Unha vez feito o pago envíe o impreso correspondente ao Concello, xunto coa documentación necesaria, ao Rexistro Xeral do Concello de Vigo.

Observacións

A presente taxa de prestación de servizos é compatible coa esixencia das taxas pola utilización privativa ou aproveitamento especial do dominio público local calquera que fose ou réxime de cuantificación segundo o previsto no artigo 24 do RDL 2/2004 e Ordenanzas Fiscais números 30 e 35 do Concello de Vigo.