Bonificación do 75% do Imposto sobre Vehículos de Tracción Mecánica (IVTM)

Liberación da obriga de pago do 75% da cota do imposto sobre vehículos de tracción mecánica.

A quen está dirixido

Os vehículos das clases turismos, camións, furgóns, furgonetas, vehículos mixtos adaptables, autobuses e autocares, sempre que cumpran as condicións e requisitos seguintes:

- Que se trate de vehículos híbridos (motor eléctrico-gasolina, eléctrico-diésel ou eléctrico-gas) que estean homologados de fábrica, incorporando dispositivos catalizadores, adecuados á súa clase e modelo, que minimicen as emisións contaminantes. Estes vehículos gozarán de bonificación durante dous anos naturais dende a súa primeira bonificación.

- Que se trate de vehículos novos sen matricular, clasificados como turismos de motor de gasolina ou diésel, cuxa marca e modelo se inclúan entre os vehículos máis eficientes con cualificación de Eficiencia Enerxética A) nos termos do Real Decreto 837/2002, de 2 de agosto, aplicando a bonificación durante o ano da primeira bonificación e o segundo. Aplicarase esta bonificación a vehículos novos que, aínda non estando cualificados de eficiencia enerxética A), as súas emisións de CO2 non sexan superiores a 120 g/km.

- Que se trate de vehículos que utilicen como combustible biogás, gas natural comprimido, metano, metanol ou hidróxeno, gozarán da bonificación na cota durante dous anos naturais dende a súa matriculación. Aplicarase esta bonificación a vehículos adscritos a licenzas de autotaxi que utilicen combustible GLP (gases licuados do petroleo).

- Que se trate de vehículos de motor eléctrico e/ou de emisións nulas, gozando da bonificación con carácter indefinido, en tanto manteñan as circunstancias de motor e emisións sinaladas.

Como facelo

NOTA: Pode consultar os solicitantes obrigados a relacionarse coa administración de maneira electrónica.

Por Internet

Prema no botón Tramitar por Internet e siga os pasos que se lle indican.

Tramitar por Internet >>

Presencialmente

Cubrir a solicitude e entregala, xunto coa documentación requirida, na oficina do "Imposto de Vehículos de Tracción Mecánica".

Documentación requirida

Impreso de solicitude

Recibo da liquidación de alta do Imposto de Vehículos de Tracción Mecánica

Ficha Técnica do Vehículo

Permiso de Circulación do Vehículo

No caso de tratarse dun vehículo híbrido, ademais:
- Certificado do concesionario
  Acreditando que se trata dun vehículo híbrido.

No caso de tratarse dun vehículo con cualificación de eficiencia enerxética A, ademais:
- Etiqueta de eficiencia enerxética
  No caso de que apareza incluído na "Guía IDAE de emisións de CO2"

No caso de que o solicitante actúe a través de representante, ademais:
- Acreditación da representación para solicitar a bonificación do 75% do I.V.T.M.
- Fotocopia do DNI (de ambos)

Observacións

- Para que a bonificación xurda efecto no mesmo período impositivo no que se produce a matriculación, a solicitude deberá presentarse no momento de efectuar a primeira autoliquidación.

- No caso de que a solicitude se presente con posterioridade, a bonificación xurdirá efecto para o período impositivo seguinte á data de presentación de dita solicitude, non alcanzando ás cotas devengadas con anterioridade a esta.

Oficinas

Administración de Tributos
Concello de Vigo Praza do Rei 1 - Planta Baixa 36202 Vigo
Teléfono: 010
Teléfono: 986 810 0100

Horario: De 9:00 a 13:30 horas.