Autorización Municipal do Servizo de Transporte Escolar para o curso 2016-2017

De conformidade co disposto no artigo 3 da Ordenanza Municipal reguladora do transporte regular especial de uso escolar, os titulares das empresas de vehículos dedicados á realización do servizo de transporte escolar dentro do casco urbano, antes do comezo do próximo curso 2016-2017 (setembro 2016), deberán dispoñer da oportuna autorización municipal.

A quen está dirixido

Titulares das empresas de vehículos dedicados á realización do servizo de transporte escolar dentro do casco urbano.

Como facelo

Presencialmente

Entregar a solicitude xunto coa documentación requerida no Rexistro Xeral do Concello de Vigo.

Prazos

Ao fin de poder tramitar todas as autorizacións a tempo, antes do comezo do curso, concédese un prazo de 10 días desde a publicación do Bando correspondente.

Documentación requirida

• Impreso de Solicitude Xeral do Concello de Vigo Deberá incluir os seguintes datos:
  
  - Datos identificativos do propietario do vehí­culo (razón social).
  - Relación de centros escolares para os que desexe prestar o servizo.
  - Relación de vehí­culos que, con carácter principal ou suplente, pretenda adicar á prestación do servizo, con indicación de marca, número de bastidor e matrí­cula de cada un dos vehí­culos obxecto da solicitude e permiso de circulación dos vehí­culos a nome do solicitante da autorización dos transportes, ou tí­tulo que, segundo o establecido no art. 48.1 do Regulamento de Ordenación do Transporte Terrestre, outorgue a disponibilidade sobre este.
  Todo isto de acordo co establecido no Real Decreto 443/2001, do 27 de abril, vixente na data deste bando.

• Fotocopia compulsada da Tarxeta de Inspección Técnica (ITV)
  Acreditativa de que os vehí­culos teñen pasadas as revisións regulamentarias e cumpren as prescricións legais vixentes relativas ao transporte escolar.

• Fotocopia compulsada da Póliza de Seguros de Responsabilidade Civil Ilimitada e do Seguro Complementario e recibos actualizados
  Polos danos e prexuí­zos que poidan chegar a sofrer as persoas transportadas, derivados do uso e circulación dos vehí­culos destinados a esa forma de transporte.

• Certificado da entidade contratante
  Que acredite os itinerarios e paradas a realizar, que haberán de axustarse ás que foron aprobadas e figuran como Anexo I da devandita Ordenanza.

• Croquis esquemático nun plano a escala 7:500 (doblando o formato UNE A-4)
  Onde se identifique o itinerario e as paradas propostas entre as contempladas no Anexo I da Ordenanza Municipal reguladora do transporte regular especial de uso escolar.

• Declaración xurada da empresa de transportes, asumindo o compromiso da presencia dun acompañante nos vehí­culos que transporten menores, nos casos que establece o Real Decreto

• No seu caso
  • Certificado da Delegación de Transportes da Xunta
    Poderá sustituirse a presentación da Tarxeta de ITV, da póliza de Seguros e do Permiso de circulación de cada vehí­culo, por un certificado da Delegación de Transportes da Xunta de Galicia, no que se faga constar que os vehí­culos (relacionando as matrí­culas) son aptos para realizar servizos de transporte escolar.

Observacións

- O transporte deberá realizarse de conformidade co disposto no Real Decreto 443/2001, do 27 de abril, sobre Condicions de seguridade no transporte escolar e de cativos, na sua redacción de 6 de setembro de 2006, vixente na data deste Bando.

- Calquera dúbida pode ser consultada no Servizo de Transportes.

Oficinas

• Servizo de Transportes

  Concello de Vigo Praza do Rei 1. 36202 Vigo. Teléfono: 986 810 353

  Horario: De 9 a 13:30 horas.

Normativa Municipal

• Ordenanza Nº 12: Ordenanza Fiscal Reguladora da Taxa polos servizos especiais por espectáculos e transportes

Lexislación relacionada

• Real Decreto 443/2001, de 27 de abril, sobre condicións de seguridade no transporte escolar e de menores