OB-010S Licenza de obra de Construción de Muro de Contención (Procedemento Simplicficado)

Muros de contención de terras non incluídos en licenzas de edificación, sexan ou non muros de peche.

A quen está dirixido

Calquera persoa física ou xurídica.

Como facelo

Presencialmente

Deberá entregar o impreso de solicitude, debidamente cumprimentado, así como a documentación requirida no rexistro da xerencia de urbanismo.

Documentación requirida

Impreso de Xustificante de solitude da licenza de Construción de Muro de Contención (2 copias)

Datos identificativos da persoa solicitante
- Persoas físicas
  DNI (ou documento que faga as súas veces) da solicitante e da representante. As persoas que comparezan ou asinen en representación doutra, acompañarán ademais un documento que acredite debidamente devandita representación (autorización expresa, poder notarial ou declaración responsable).
- Persoas xurídicas
  1. DNI (ou documento que faga as súas veces) da persoa representante e documentación acreditativa da representación.
  2. Escritura ou documento de constitución e/ou Estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no Rexistro público que corresponda, segundo o tipo de persoa xurídica de que se trate.
- Comunidade de propietarios
  DNI (ou documento que faga as súas veces) da ou do presidente. No caso de que a solicitude a realice a persoa administradora da comunidade, achegará o seu DNI e documento que acredite debidamente a súa representación (autorización expresa, poder notarial ou declaración responsable).
  Ademais acta do nomeamento da persoa presidente ou acta da reunión de propietarios na que se recolla o acordo á realización das obras.

Reportaxe fotográfica da parcela
Subscrita polo solicitante e polo técnico redactor do proxecto.

Oficio de dirección das obras

Proxecto técnico completo
Redactado por técnico competente co contido establecido no anexo I da Ordenanza de tramitación de licenzas (2 copias ) (1 copia presentación telemática). (Incluído Estudio de seguridade e saúde).

Autorizacións sectoriais previas preceptivas

No caso de proxectos ou oficios de dirección sen visado colexial
- Declaración responsable (ou certificado colexial) do técnico redactor do proxecto
  No que figuren os seus datos persoais e profesionais de forma que permita a súa identificación e na que se acredite que non está inhabilitado ou incurso en causa de incompatibilidade.

Nomeamento do contratista e xustificación de alta para os efectos do imposto de actividades económicas

Impreso de autoliquidación da taxa de licenza de obra

Observacións

A presentación da solicitude, coa documentación completa, de licenzas suxeitas ao procedemento simplificado, permite á persoa titular da mesma o inicio da actividade ou das obras solicitadas transcorrido o prazo dun mes sen recibir notificación en sentido contrario por parte da Xerencia de Urbanismo, de acordo co disposto no artigo 24 da Lei 39/2015 do Procedemento Administrativo Común das Administracións públicas.

Nos casos nos que sexa necesaria a emendar deficiencias na solicitude dunha actuación sometida ao procedemento simplificado, este feito suporá o cambio ao procedemento ordinario, non operando os efectos do silencio administrativo unha vez transcorrido o prazo dun mes. Neste caso non se poderán realizar as obras solicitadas, en tanto non se resolva a preceptiva licenza municipal.

Non se tramitarán polo procedemento simplificado licenzas de obras no ámbito do PEPRI CASCO VELLO, do PEPRI DE BOUZAS e do Plan Especial de Edificios a Conservar (PEEC) , nin en edificios catalogados e os seus ámbitos de protección.