Exención do Imposto de Bens Inmobles (IBI) para Bens Comunais e os Montes Veciñais en Man Común

Os Bens Comunais e os Montes Veciñais en Man Común están exentos do pago do imposto de bens inmobles.

Son bens comunais ou procomún aqueles cuxa propiedade está atribuída a un conxunto de persoas en razón do lugar onde habitan e que teñen un réxime especial de enaxenación e explotación.

Montes en man común son montes de natureza especial que, con independencia da súa orixe, pertenzan a agrupacións veciñais na súa calidade de grupos sociais e non como entidades administrativas e veñan aproveitándose consuetudinariamente en man común polos membros daquelas na súa condición de veciños.

A quen está dirixido

Titulares de bens comunais e montes veciñais en man común.

Como facelo

NOTA: Pode consultar os solicitantes obrigados a relacionarse coa administración de maneira electrónica.

Por Internet

Prema no botón Tramitar por Internet e siga os pasos que se lle indican.

Tramitar por Internet >>

Presencialmente

Presentando a solicitude e a documentación requirida no Rexistro Xeral do Concello de Vigo.

Documentación requirida

• Certificación expedida pola Administración Autonómica na que se faga constar que cada unha das parcelas a que se refiren as concretas referencias catastrais para as que se solicita a exención, forman parte do monte en man común

• De existir unha certificación que inclúa o conxunto das fincas
  • Plano coa delimitación completa do monte en man común
    Marcando a situación das diferentes fincas catastrais no citado plano.

• Impreso de solicitude de exención do IBI para bens comunais

Oficinas

• Oficina do I.B.I.

  Concello de Vigo
  Administración de Tributos - Departamento de I.B.I.
  Planta Baixa
  Praza do Rei 1
  36202 Vigo
  Teléfono: 986 810 116

  Horario: De 9:00 a 13:30 horas.

Normativa Municipal

• Ordenanza Nº 02: Ordenanza Fiscal Reguladora do Imposto sobre Bens Inmobles

Trámites relacionados

• Pago do Imposto de Bens Inmobles (IBI)