Xunta de Galicia

Forma presentación

Tramitación en liña

Presencial

Datos solicitude

Prazo de presentación: 07/08/2015 - 07/09/2015

Prazo de resolución: Un mes

Sentido do silencio administrativo: Negativo

• 1. Unha vez efectuadas por parte da entidade colaboradora as liquidacións mensuais aos establecementos participantes, a Agadic, tras a presentación da documentación xustificativa correspondente por parte da entidade colaboradora, efectuaralle as correspondentes liquidacións á entidade colaboradora.
  
  Esta documentación será a seguinte:
  
  – Memoria económica, con desagregación e explicación de cada unha das liquidacións efectuadas polos establecementos asociados.
  
  – Xustificantes das transferencias realizadas aos establecementos adheridos.
  
  2. Unha vez finalizada a vixencia do programa, e como máximo ata o 31 de decembro de 2015 inclusive, a entidade colaboradora presentará na Agadic a liquidación final co importe a que ascenderon as axudas liquidadas, mediante a presentación da seguinte documentación:
  
  – Memoria descritiva das actividades desenvolvidas.
  
  – Memoria económica, con desagregación e explicación de cada unha das liquidacións efectuadas polos establecementos adheridos.
  
  – Xustificantes das transferencias realizadas aos establecementos adheridos.
  
  – Relación de suxeitos a que se lle expediu a tarxeta, na cal consten, como mínimo, os seguintes datos: nome e apelidos, DNI, data de nacemento, data de expedición da tarxeta.

CONSELLERÍA DE CULTURA, EDUCACIÓN E ORDENACIÓN UNIVERSITARIA

AXENCIA GALEGA DAS INDUSTRIAS CULTURAIS (AGADIC)

Cidade da Cultura - Monte Gaiás s/n
15707SANTIAGO DE COMPOSTELA
Teléfono: 881996077 / 881996078Fax: 881996080
Email: agadic@xunta.es

1. A campaña tarxeta-bono Cultura Galega realizada pola Axencia Galega de Industrias Culturais (Agadic) ten por obxecto a subvención da compra de certos produtos culturais, entre a poboación comprendida entre os 18 e 30 anos, mediante a emisión de bonos cos cales o usuario/a se beneficiará dunha subvención para adquirir libros en galego e/ou entradas para asistir a espectáculos de artes escénicas representados na Comunidade Autónoma galega (no suposto de representacións teatrais, estas deben ser en idioma galego).

2. Cada un destes bonos concretizados nunha tarxeta(s)-bono Cultura Galega terá un prezo de venda de 33 euros e daralle ao/á portador/a un valor de 50 euros para a adquisición de libros en galego ou entradas a espectáculos de artes escénicas representados na Comunidade Autónoma galega (no suposto de representacións teatrais, estas deben ser en idioma galego) e realizados dentro da rede de establecementos adheridos á campaña.

A diferenza –subvención– de 17 euros en cada tarxeta-bono será achegada pola Agadic co obxectivo de incentivar o consumo destes produtos culturais.

Beneficiarios:

1. Consideraranse beneficiarios destas axudas as persoas físicas que adquiran unha Tarxeta-Bono Cultura Galega polos medios e canles establecidos na cláusula segunda, parágrafo 3, da presente resolución, e comprendidas entre as idades de 18 a 30 anos.

2. Para a adquisición dos produtos subvencionables será precisa a presentación por parte do beneficiario de documento acreditativo da súa identidade. Os beneficiarios quedarán sometidos ás actuacións de comprobación da Agadic, da Intervención Xeral da Comunidade Autónoma, segundo o establecido no título III da Lei 9/2007, ou do Consello de Contas ou Tribunal de Contas, segundo a súa normativa.

Requisitos:

1. Poderán adherirse ao programa tarxeta-bono Cultura Galega, aceptando esta como medio de pagamento, aqueles establecementos radicados na Comunidade Autónoma de Galicia que, con independencia de que sexan persoas físicas ou xurídicas, cumpran os seguintes requisitos:

a) Sexan establecementos mercantís de libre acceso ao publico, dedicados fundamentalmente á venda de libros (pemes e grandes empresas) ou de espectáculos escénicos (teatro, danza, música...), con independencia da súa titularidade pública ou privada.

b) Dispoñan de acceso á internet no punto de venda.

2. O número máximo de establecementos que poderán adherirse a este programa é de 180 e as solicitudes resolveranse por orde de entrada.

AUTONÓMICA

RESOLUCIÓN do 28 de xullo de 2015 para o desenvolvemento e a promoción da tarxeta-bono Cultura Galega. (DOG Núm. 148 do 6 de agosto de 2015)

Forma presentación

Tramitación en liña

Presencial

Datos solicitude

Prazo de presentación: 15/12/2015 - 02/01/2016.

Quince días, contados a partir do día seguinte ao da publicación desta orde no Diario Oficial de Galicia.

Prazo de resolución: Un mes

Sentido do silencio administrativo: Positivo

• As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia (https://sede.xunta.es), de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede da Xunta de Galicia.
  
  Opcionalmente, tamén se poderán presentar as solicitudes en soporte papel por calquera dos medios establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia ou o modelo de solicitude que figura no anexo II desta orde.
  
  A sede electrónica da Xunta de Galicia ten á disposición das persoas interesadas unha serie de modelos normalizados dos trámites máis comunmente utilizados na tramitación administrativa, que poderán ser presentados en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.
• Xunto coa solicitude (Anexo II) presentarase a seguinte documentación:
  • a) Copia do DNI ou NIE cando non se autorice expresamente na solicitude a consulta dos datos de identidade a través do Sistema de verificación de datos de identidade do Ministerio de Facenda e Administracións Públicas.
  • b) Os titulares que presentan a solicitude por primeira vez, documento que acredite a titularidade das pesqueiras.
• A documentación complementaria poderase presentar electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante. A Administración poderá requirir a exhibición do documento orixinal para o cotexo da copia electrónica presentada segundo o disposto no artigo 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.
  
  A documentación complementaria tamén poderá presentarse en formato papel en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.
  
  As copias dos documentos gozarán da mesma validez e eficacia que os seus orixinais sempre que exista constancia de que sexan auténticas.
  
  Sempre que se realice a presentación de documentos separadamente da solicitude, a persoa interesada ou representante deberá mencionar o código e o órgano responsable do procedemento, o número de expediente e o número ou código único de rexistro.

CONSELLERÍA DE MEDIO AMBIENTE E ORDENACIÓN DO TERRITORIO

XEFATURA TERRITORIAL DE PONTEVEDRA

SERVIZO DE CONSERVACIÓN DA NATUREZA DE PONTEVEDRA
R/ Fernández Ladreda, 43-2º
36003PONTEVEDRA
Teléfono: 986805097 / 986805469Fax: 986805436

O obxecto desta norma é a regulación do aproveitamento específico da lamprea (Petromizon marinus) nas augas do río Ulla durante o ano 2016.

Período e horario hábil.

1. O período hábil de pesca será:
a) Nas pesqueiras de Areas (Herbón), do día 4 de xaneiro ao 26 de marzo.
b) No tramo comprendido desde a pesqueira das Vellas (Herbón) ata a pesqueira da Trapa (Herbón) ambas incluídas, do 1 de febreiro ao 23 de abril.
c) No tramo comprendido desde as pesqueiras da Caseta e Furado (Carcacía) ata a pesqueira de Lampreeiro, lugar das Pesqueiras (Reis) todas incluídas, do 8 de febreiro ata o 7 de maio.

O mesmo día que remate o período autorizado retiraranse as artes de pesca.

2. As redes só poderán estar colocadas desde as 20.00 horas ata as 8.00 horas.

Prohíbese a realización dos labores de pesca (deberán levantarse as redes das pesqueiras) desde as 8.00 horas dos sábados ata as 20.00 dos luns.

Beneficiarios:

As pesqueiras tradicionais situadas no río Ulla, detalladas no anexo I desta orde.

Requisitos:

1. A pesca da lamprea só se poderá practicar nas pesqueiras autorizadas e coas limitacións que a seguir se indican:
a) Nas pesqueiras de Areas e das Vellas deberán deixar libre a canle central do río e non poderán traballar na denominada «vea».
b) Deberán empregarse redes que non causen dano a outras especies piscícolas.
c) Serán devoltos ás augas ou entregados aos axentes que o soliciten todos aqueles exemplares piscícolas que non sexan as lampreas capturadas nas pesqueiras.
d) En todo momento deberán colaborar co persoal do Servizo de Conservación da Natureza da Consellería de Medio Ambiente e Ordenación do Territorio, seguindo as súas instrucións.

2. Estas limitacións obrigan todas as persoas autorizadas, sexan ou non titulares das pesqueiras.

Permisos.

Toda persoa que traballe nas pesqueiras deberá estar en posesión da correspondente licenza de pesca e do permiso de 4ª categoría para cada día e pesqueira, documentos que deberá levar consigo xunto co DNI/NIE durante a práctica desta actividade.

Xunto cos permisos entregarase un libro de rexistro de capturas que deberá ser debidamente cuberto e estar sempre á disposición do persoal do Servizo de Conservación da Natureza. Unha vez rematada a temporada, deberá ser entregado no prazo de 15 días. O cumprimento deste requisito será indispensable para optar a permisos da próxima temporada.

No caso de que traballe a pesqueira unha persoa distinta do seu titular, para a obtención dos citados permisos deberá acreditar no Servizo de Conservación da Natureza de Pontevedra que está autorizado polo titular.

AUTONÓMICA

Orde do 2 de decembro de 2015 pola que se regula a pesca da lamprea nas pesqueiras do río Ulla e se fixa o período e as condicións para presentar as solicitudes para o ano 2016 (DOG nº 237 do 14 de decembro de 2015).

Forma presentación

Tramitación en liña

Presencial

Datos solicitude

Prazo de presentación: Aberto todo o ano

Prazo de resolución: Un meses

Sentido do silencio administrativo: Positivo

• Solicitude (Anexo I).
• Copia do DNI ou NIE da persoa titular que actúa como persoa solicitante, só no caso de non autorizar a súa consulta no Sistema de verificación de datos de identidade.
• Copia do DNI ou NIE do resto de persoas titulares, cando proceda, só no caso de non autorizar a súa consulta no Sistema de verificación de datos de identidade según o anexo II.
• Copia do DNI ou NIE da persoa representante, só no caso de non autorizar a súa consulta no Sistema de verificación de datos de identidade.
• Só para os casos de concursos, campionatos ou competicións de carácter recreativo ademáis esta outra documentación:
  • Plano da zona.
  • Copia da normativa pola que se rexerá o concurso.
  • Xustificante de pago da taxa.
  • Copia da escritura acreditativa de la constitución de la sociedade inscrita no rexistro mercantil.
  • Copia dos estatutos polos que se rixe.

CONSELLERÍA DO MAR

DIRECCIÓN XERAL DE DESENVOLVEMENTO PESQUEIRO

SUBDIRECCIÓN XERAL DE PESCA E DE MERCADOS DA PESCA

SERVIZO DE PESCA
RÚA VALIÑO, 63-65
15703SANTIAGO DE COMPOSTELA
Teléfono: 981544072Fax: 981544740

CONSELLERÍA DO MAR

XEFATURA TERRITORIAL DA CORUÑA

RÚA RAMÓN Y CAJAL, N 2 - 5º ANDAR
15006A CORUÑA
Teléfono: 981182029Fax: 981182027

CONSELLERÍA DO MAR

XEFATURA TERRITORIAL DE LUGO

RÚA RAMON CANOSA, N 1- CELEIRO
27863VIVEIRO
Teléfono: 982555002Fax: 982555005

CONSELLERÍA DO MAR

DELEGACION COMARCAL DE PESCA DE PONTEVEDRA

Rúa Fernández Ladreda, nº 43 - 4ª Planta
36003PONTEVEDRA
Teléfono: 986805470Fax: 986805512
Email: delegación.mar.pontevedra@xunta.es

CONSELLERÍA DO MAR

XEFATURA TERRITORIAL DE VIGO

RÚA CONCEPCIÓN ARENAL, N 8
36201VIGO
Teléfono: 986817113Fax: 986817160

CONSELLERÍA DO MAR

DELEGACION COMARCAL DE PESCA DE FERROL

PRAZA CAMILO JOSÉ CELA,S/N,
15403FERROL
Teléfono: 981337315Fax: 981337318

CONSELLERÍA DO MAR

DELEGACION COMARCAL DE PESCA DE RIBEIRA

PRAZA DOS MARIÑEIROS, S/N
15960RIBEIRA
Teléfono: 881997155Fax: 881997151

CONSELLERÍA DO MAR

XEFATURA COMARCAL - ÁREA DE MAR DE VILARGARCIA DE AROUSA

Alto da Rosa s/n - Carril
36610VILAGARCIA DE AROUSA
Teléfono: 886206308Fax: 886206314
Email: xefatura.cmar.vilagarcia@xunta.es

Para a celebración de concursos, campionatos e competicións deportivas de pesca recreativa, deberá solicitarse autorización como mínimo cun mes de antelación, empregando o modelo do anexo V. As solicitudes presentaranse na xefatura territorial do departamento territorial correspondente da consellería con competencias en materia de pesca, sen prexuízo do disposto no artigo 38.4º da Lei 30/1992, do 26 de novembro.

Beneficiarios:

Organizadores de concursos, campionatos e competicións deportivas de pesca recreativa, así como os practicantes de pesca submarina nas zonas do litoral definidas como prohibidas.

Requisitos:

A devandita autorización non exime da necesidade de contar con outras autorizacións, en especial as relacionadas coa seguranza marítima previstas no Real decreto 62/2008, do 25 de xaneiro, polo que se aproba o Regulamento das condicións de seguranza marítima, da navegación e da vida humana no mar aplicables ás concentracións náuticas de carácter conmemorativo e probas náutico-deportivas.
Unha vez celebrada a competición ou campeonato, os responsables destes deberán remitir á dirección xeral con competencias en materia de pesca no prazo dun mes desde a data da súa celebración, o rexistro das capturas feitas no evento, indicando especie, número e peso. A non remisión dos ditos datos levará consigo que non se volva autorizar outro evento á mesma entidade.

As persoas que realicen inmersións con equipos autónomos nas zonas definidas como prohibidas no artigo 11º e o anexo VI, deberán solicitar autorización, utilizando o modelo recollido no anexo V, cunha antelación mínima de quince días á data da realización da actividade, á xefatura territorial do departamento territorial correspondente da consellería con competencias en materia de pesca.

AUTONÓMICA

Decreto 211/1999, do 17 de xuño, polo que se regula a pesca marítima de recreo (DOG nº 139 do 21 de xullo de 1999).

AUTONÓMICA

Orde do 17 de setembro de 2009 pola que se desenvolve o Decreto 211/1999, do 17 de xuño, polo que se regula a pesca marítima de recreo (DOG nº 188 do 24 de setembro de 2009).

AUTONÓMICA

Orde do 22 de abril de 2015 pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería do Medio Rural e do Mar (DOG nº 77 do 24 de abril de 2015).

Forma presentación

Tramitación en liña

Presencial

Datos solicitude

Prazo de presentación: 01/10/2016 - 31/10/2016.

Un mes, contado a partir do día seguinte á publicación desta orde no Diario Oficial de Galicia.

Prazo de resolución: Seis meses

Sentido do silencio administrativo: Negativo

• Solicitude segundo o Anexo I.
• Anexo II. Declaración de non inicio do investimento, se é o caso.
• Anexo III. Formulario do investimento.
• Anexo IV. Pluralidade de persoas físicas, se é o caso.
• Anexo V. Relación de ofertas solicitadas e elexidas, se é o caso.
• Anexo VI. Declaración de empresas asociadas e vinculadas, se é o caso.
• Documentación complementaria:
• 1. Documentación xurídico administrativa da entidade solicitante:
  • 1.1 Para persoas xurídicas:
    • Copia do DNI da persoa representante, só no caso de non autorizar a súa consulta.
    • Plan de financiamento do proxecto: información detallada do financiamento do proxecto e achegar a documentación económico-financeira que acredite a disposición dos recursos necesarios para realizar o proxecto:
      - Recursos propios: ampliación de capital e certificados bancarios actualizados das contas do solicitante onde consten os fondos propios dispoñibles para realizar o investimento.
      - Recursos alleos: préstamos de entidades de crédito.
    • Estudo e análise de viabilidade económico-financeira do proxecto (proxección a 5 anos) e explicación detallada da súa evolución: balance de situación; conta de perdas e ganancias; estado de fluxos de efectivo; plan de investimentos e cadros de amortización; previsións de ingresos e gastos, diferenciando gastos fixos de variables; previsións de resultados; evolución do activo circulante e a súa rotación; previsións de entradas e saídas de tesourería; estado de orixe e aplicación de fondos; cash-flow; ratios económico-financeiros; ratios de rendibilidade; análise de custos e cálculo do punto de equilibrio ou limiar de rendibilidade; cálculo do VAN, TIR, prazo de recuperación do investimento e apalancamento operativo e financeiro, así como o plan comercial da empresa.
    • Copia do NIF da entidade solicitante, só no caso de denegar expresamente a súa consulta.
    • Certificación rexistral actualizada dos estatutos sociais e da escritura de constitución.
    • Copia do poder de representación da persoa que asina a solicitude no caso de que tal poder non figure na certificación rexistral.
    • Certificación actualizada do Rexistro Mercantil das contas anuais depositadas no último exercicio económico pechado, incluíndo informe de auditoría, se é o caso.
    • Imposto de sociedades do último exercicio económico pechado no que conste o seu envío telemático ou a súa presentación.
    • Declaración resumo anual do IVE do último exercicio económico pechado e as liquidacións trimestrais ou mensuais dispoñibles do exercicio en curso nos que conste o seu envío telemático ou a súa presentación, se é o caso.
    • No caso de existir grupo empresarial, achegar certificación actualizada do Rexistro Mercantil das contas anuais consolidadas depositadas no último exercicio económico pechado, incluíndo informe de auditoría, se é o caso.
    • Certificado actualizado da declaración censual de alta en obrigas tributarias.
    • Co fin de aplicar o criterio de valoración establecido no artigo 15.C) I d.: informe de vida laboral dos últimos 3 anos (2013, 2014 e 2015).
  • 1.2 Para persoas físicas:
    • Copia do DNI da persoa solicitante só no caso de non autorizar a súa consulta.
    • Plan de financiamento do proxecto: información detallada do financiamento do proxecto e achegar a disposición de recursos necesarios para realizar o proxecto:
      - Certificados bancarios actualizados das contas bancarias da persoa solicitante onde consten os fondos propios dispoñibles para realizar o investimento e tamén dos recursos alleos (préstamos de entidades de crédito).
    • Estudo e análise de viabilidade económico-financeira do proxecto (proxección a 5 anos) e explicación detallada da súa evolución: balance de situación; conta de perdas e ganancias; estado de fluxos de efectivo; plan de investimentos e cadros de amortización; previsións de ingresos e gastos, diferenciando gastos fixos de variables; previsións de resultados; evolución do activo circulante e a súa rotación; previsións de entradas e saídas de tesourería; estado de orixe e aplicación de fondos; cash-flow; ratios económico-financeiros; ratios de rendibilidade; análise de custos e cálculo do punto de equilibrio ou limiar de rendibilidade; cálculo do VAN, TIR, prazo de recuperación do investimento e apalancamento operativo e financeiro, así como o plan comercial da empresa.
    • Declaración da renda dos últimos tres anos da persoa solicitante, só no caso de denegar expresamente a súa consulta.
    • Declaración resumo anual do IVE do último exercicio económico pechado e as liquidacións trimestrais ou mensuais dispoñibles do exercicio en curso nos que conste o seu envío telemático ou a súa presentación, se é o caso.
    • Certificado actualizado da declaración censual de alta en obrigas tributarias.
    • Informe de riscos expedido pola Central de Información de Riscos do Banco de España.
    • Co fin de aplicar o criterio de valoración establecido no artigo 15.C) I d.: informe de vida laboral dos últimos 3 anos (2013, 2014 e 2015).
  • 1.3 Se a solicitude corresponde a unha pluralidade de persoas:
    • Copia do DNI de cada persoa solicitante só no caso de non autorizar a súa consulta (anexo IV).
    • Plan de financiamento do proxecto: información detallada do financiamento do proxecto e achegar a disposición de recursos necesarios para realizar o proxecto: certificados bancarios actualizados das contas bancarias de cada persoa solicitante onde consten os fondos propios dispoñibles para realizar o investimento e tamén dos recursos alleos (préstamos de entidades de crédito).
    • Estudo e análise de viabilidade económico-financeira do proxecto (proxección a 5 anos) e explicación detallada da súa evolución: balance de situación; conta de perdas e ganancias; estado de fluxos de efectivo; plan de investimentos e cadros de amortización; previsións de ingresos e gastos, diferenciando gastos fixos de variables; previsións de resultados; evolución do activo circulante e a súa rotación; previsións de entradas e saídas de tesourería; estado de orixe e aplicación de fondos; cash-flow; ratios económico-financeiros; ratios de rendibilidade; análise de custos e cálculo do punto de equilibrio ou limiar de rendibilidade; cálculo do VAN, TIR, prazo de recuperación do investimento e apalancamento operativo e financeiro, así como o plan comercial da empresa.
    • A conta bancaria sinalada neste anexo deberá estar a nome de todas as persoas solicitantes. En caso contrario deberase achegar documento asinado por todas as persoas solicitantes, conforme non existe inconveniente en que se pague a axuda a esa conta.
    • Declaración da renda dos últimos 3 anos, de cada persoa solicitante, só no caso de denegar expresamente a súa consulta.
    • Declaración resumo anual do IVE do último exercicio económico pechado e as liquidacións trimestrais ou mensuais dispoñibles do exercicio en curso nos que conste o seu envío telemático ou a súa presentación, de cada solicitante, se é o caso.
    • Certificado actualizado da declaración censual de alta en obrigas tributarias, de cada solicitante.
    • Informe de riscos expedido pola Central de Información de Riscos do Banco de España, de cada solicitante.
    • Co fin de aplicar o criterio de valoración establecido no artigo 15.C) I d.: informe de vida laboral dos últimos 3 anos (2013, 2014 e 2015).
• 2. Declaración doutras axudas solicitadas (incluíndo préstamos subvencionados), concedidas ou que se pretendan solicitar a calquera outra Administración pública, destinadas a subvencionar total ou parcialmente o proxecto para o cal se solicita a subvención. Esta declaración está incluída neste anexo de declaracións do solicitante. Deberá achegarse a resolución da axuda, de ser o caso.
• 3. Plan empresarial para o desenvolvemento das actividades acuícolas, e que xustifique a viabilidade técnica, económica e financeira do proxecto, así como a sostenibilidade do mesmo.
• 4. Documentación acreditativa da cualificación profesional precisa para o exercicio da actividade de acordo co disposto no artigo 5 da Orde.
• 5. Certificación IAE da/s persoa/s solicitante/s, expedido pola Administración competente, para acreditar a xustificación da dedicación plena á actividade empresarial da acuicultura, só no caso de denegar expresamente a súa consulta.
• 6. Certificado do Rexistro Xeral de Sociedades Mercantís da Dirección Xeral dos Rexistros e do Notariado do Ministerio de Xustiza, ou do rexistro competente, de non figurar inscrita a futura denominación social da entidade a constituír.
• 7. Facturas ou, no seu defecto facturas proforma ou orzamento detallado de gastos previstos para a realización de cada unha das actividades ou adquisicións para as cales se solicita subvención.
• 8. Cando o importe do gasto unitario supere a contía de 18.000 euros no caso de subministración de bens ou servizos, o beneficiario deberá achegar, como mínimo, tres ofertas de diferentes provedores. A elección entre as ofertas presentadas realizarase de conformidade con criterios de eficiencia e economía e deberá xustificarse expresamente nunha memoria a elección cando non recaia na proposta económica máis vantaxosa.
• 9. Certificacións emitidas polos organismos competentes acreditativas de que cada persoa solicitante estea ao día no cumprimento das súas obrigas coa Axencia Estatal da Administración Tributaria, a Tesouraría Xeral da Seguridade Social e a Consellería de Facenda da Xunta de Galicia, só no caso de denegar expresamente a súa consulta.
• 10. As persoas empresarias que estean entrando no sector deberán presentar un plan empresarial que inclúa unha avaliación do impacto ambiental, e cando o custo dos investimentos sexa superior a 50.000,00 €, un estudo de viabilidade. As axudas previstas en materia de acuicultura só se concederán cando se demostre claramente, mediante un informe independente de comercialización, que existen boas perspectivas de comercialización sostible para o produto.
• 11. Seguro de responsabilidade que garanta posibles danos a terceiros, agresións ao ambiente ou perdas por circunstancias extraordinarias nas propias instalacións.
• 12. No caso de que a axuda se trate de investimentos en maquinaria, deberá achegarse o catálogo do provedor e detallarse a marca e o modelo sempre que sexa posible.
• 13. Se a realización do investimento require autorización, concesión, permisos ou licenzas, para levar a cabo os investimentos previstos, deberá achegar o documento que acredita estar en posesión dela ou solicitude de telo presentado.
• 14. Declaración responsable de que o beneficiario crea por primeira vez unha microempresa ou pequena empresa como titular da mesma.
• As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.es/chave365).
• Tamén se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.
• A documentación complementaria poderá presentarse electrónicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do do¬cumento orixinal para o cotexo da copia electrónica presentada segundo o disposto nos artigos 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.
• A documentación complementaria tamén poderá presentarse en formato papel (en orixinal e unha copia simple) en cal¬quera dos lugares e rexistros establecidos no artigo 38.4 da Lei 30/1992, do 26 de novem¬bro, de réxime xurídico das administracións públicas e do procedemento administrativo común.
• As copias dos documentos gozarán da mesma validez e eficacia que os seus orixinais sempre que exista constancia de que sexan auténticas.
• Sempre que se realice a presentación de documentos separadamente da solicitude, a persoa interesada ou representante deberá mencionar o código e o órgano responsable do procedemento, o número de expediente e o número ou código único de rexistro.
• No caso de que algún dos documentos que se van presentar de forma electrónica por parte da persoa solicitante ou representante supere os tamaños límites establecidos pola sede electrónica, permitirase a presentación deste de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro. Na sede electrónica da Xunta de Galicia publicarase a relación de formatos, protocolos e tamaño máximo admitido da documentación comple¬mentaria para cada procedemento.
• A sede electrónica da Xunta de Galicia ten a disposición das persoas interesadas unha serie de modelos normalizados dos trámites máis comunmente utilizados na trami¬tación administrativa, que poderán ser presentados en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.
• No prazo de presentación de solicitudes, entenderase como último día do prazo o correspondente ao mesmo ordinal do día da publicación. Se o último día de prazo for inhábil, entenderase prorrogado ao primeiro día hábil seguinte e, se no mes de vencemento non houbese día equivalente ao inicial do cómputo, entenderase que o prazo expira o último do mes.

CONSELLERÍA DO MAR

DIRECCIÓN XERAL DE PESCA, ACUICULTURA E INNOVACIÓN TECNOLÓXICA

SUBDIRECCIÓN XERAL DE ACUICULTURA

San Caetano, s/n
15781SANTIAGO DE COMPOSTELA
Teléfono: 881997247Fax: 981546288
Email: sxmar.cmrm@xunta.gal

1. Esta orde ten por obxecto a aprobación das bases reguladoras para a concesión, en réxime de concorrencia competitiva, das axudas destinadas ao fomento de novas empresas que practiquen unha acuicultura sustentable, así como proceder á súa convocatoria para o exercicio de 2016.

2. Serán subvencionables os proxectos de creación de microempresas ou pequenas empresas acuícolas por parte de novos acuicultores, que cumpran os requisitos para ser consideradas novas micro ou pequena empresa.

Beneficiarios:

Os novos acuicultores que creen por primeira vez unha micro ou pequena empresa acuícola como titulares da mesma.

Requisitos:

Esta axuda concederase aos acuicultores que inicien as súas actividades no sector, sempre que:
a) Conten coas competencias e coas cualificacións profesionais axeitadas.
b) Creen por primeira vez unha microempresa ou pequena empresa acuícola como titulares.
c) Presenten un plan empresarial para o desenvolvemento das súas actividades acuícolas, xustificando a viabilidade técnica, económica e financeira do proxecto, así como a súa sustentabilidade.

Para estes efectos, terase en conta a definición de PEME da Recomendación 2003/361/CE da Comisión, do 6 de maio de 2003, segundo a cal son microempresas, pequenas e medianas empresas (PEME) as empresas con menos de 250 empregados e cun volume de negocios anual igual ou inferior a 50 millóns de euros ou un balance xeral anual igual ou inferior a 43 millóns de euros.

As empresas deberán cumprir os criterios de independencia segundo o indicado na mencionada recomendación. Así mesmo, para o cálculo dos efectivos (número de persoas ocupadas) e dos importes financeiros terase en conta o indicado nela.

Os posibles beneficiarios destas axudas estarán suxeitos, ademais de ao establecido no artigo 4, se o beneficiario é persoa física, aos seguintes requisitos:

a) Contar coas competencias e cualificacións profesionais adecuadas á actividade que se vaia desenvolver de acordo coa normativa estatal aplicable, que poderán ser, se o beneficiario é persoa física, as seguintes:

– Módulo formativo: Actividades de cultivo de plancto e cría de especies acuícolas.

Código: MAP402_1.

– Módulo formativo: Actividades de engorda de especies acuícolas.

Código: MAP403_1.

– Módulo formativo: Produción de alimento vivo.

Código: MAP007_2.

– Módulo formativo: Engorda de peixes, crustáceos e cefalópodos.

Código: MAP008_2.

– Módulo formativo: Engorda de moluscos bivalvos.

Código: MAP100_2.

– Módulo formativo: Produción en criadeiro de acuicultura.

Código: MAP101_2.

– Módulo formativo: Mantemento de instalacións en acuicultura.

Código: MAP495_2.

– Módulo formativo: Xestión da produción de criadeiro en acuicultura.

Código: MAP232_3.

– Módulo formativo: Xestión da produción de engorda en acuicultura.

Código: MAP233_3.

Se o beneficiario é unha persoa xurídica, entenderase que reúne as competencias e cualificacións suficientes se entre o seu obxecto social se inclúe o exercicio da actividade da acuicultura.

b) Non ter pendente de pagamento ningunha obriga por reintegro de subvencións nin sanción firme pendente de pagamento por infracción da normativa marítimo-pesqueira.

c) Non incorrer nalgunha das circunstancias previstas no artigo 10 da Lei 9/2007, do 13 de xuño, de subvencións de Galicia.

d) Non ter cometido infracción grave:
- Da política pesqueira común definida como tal en actos lexislativos do Parlamento Europeo e do Consello;
- Do Regulamento (UE) nº 1005/2008 do Consello, polo que se establece un sistema contra a pesca ilegal, non declarada e non regulamentada, e do Regulamento (UE) nº 1224/2009 do Consello, polo que se establece un réxime comunitario de control, durante os 12 meses anteriores á data da presentación de solicitudes, se o operador ten nove puntos de infracción polas infraccións graves segundo o Regulamento (UE) nº 404/2011. Cada punto de infracción acumulado que se engada aos nove puntos de infracción polas infraccións graves, segundo o Regulamento (UE) nº 404/2011, suporá un mes adicional de inadmisibilidade da axuda por punto acumulado.

e) No marco do FEP ou FEMP, non ter sido declarado culpable de cometer fraude, segundo a definición do artigo 1 do Convenio relativo á protección dos intereses financeiros das comunidades europeas (DOUE serie C 316, do 27.11.1995).

f) Non estar nin ter estado nos últimos 24 meses involucrado na explotación, xestión ou propiedade dos buques incluídos na lista comunitaria dos buques INDNR (pesca ilegal non declarada e non regulamentada) ou de buques que nin estean nin estivesen nos últimos 12 meses enarborando o pavillón de países considerados terceiros países non cooperantes ao abeiro do Regulamento (CE) nº 1005/2008 do Consello, do 29 de setembro de 2008, polo que se establece un sistema comunitario para previr, desalentar e eliminar a pesca ilegal, non declarada e non regulamentada.

g) Non ser unha empresa en crise de acordo coa definición e coas condicións establecidas nas directrices comunitarias sobre as axudas estatais de salvamento e de reestruturación de empresas en crise (2004/C244/02).

h) Non ter cometido ningún dos delitos establecidos nos artigos 3 e 4 da Directiva 2008/99/CE. Con carácter xeral, serán inadmisibles as solicitudes presentadas por un operador que cometese un dos delitos recollidos no artigo 3 durante un período de 12 ou 24 meses en función de se foi cometido por neglixencia grave ou con dolo. No caso de delitos recollidos no artigo 4 da citada directiva, o período de inadmisibilidade será, con carácter xeral, de 24 meses.

i) Estar en posesión dun seguro de responsabilidade civil que garanta posibles danos a terceiros, agresións ao ambiente ou perdas por circunstancias extraordinarias nas propias instalacións.

j) Estar en posesión das preceptivas concesións, autorizacións, permisos ou licenzas para levar a cabo os investimentos previstos ou ter presentadas as solicitudes destas. En todo caso, os documentos presentados para a solicitude da subvención deberán ser copias fidedignas dos presentados para a obtención dos permisos.

k) Acreditar, con anterioridade a ditarse a proposta de resolución de concesión, que está ao día no cumprimento das súas obrigas tributarias, fronte á Seguridade Social e de non ter pendente de pagamento ningunha outra débeda coa Administración pública da Comunidade Autónoma de Galicia.

l) A presentación dun plan empresarial que reflicte o desenvolvemento das actividades acuícolas, e xustifique a viabilidade técnica, económica e financeira do proxecto, así como a súa sustentabilidade.

m) Non ter creado con anterioridade á presentación da solicitude outra microempresa ou pequena empresa acuícola como titular.

Os posibles beneficiarios, ao formalizaren a súa solicitude, someteranse voluntariamente ao cumprimento das condicións que se establezan para as axudas en materia de acuicultura, tanto para o pagamento das subvencións como para a concesión e demais requisitos exixibles pola normativa vixente que sexa de aplicación.

AUTONÓMICA

Orde do 15 de setembro de 2016 pola que se establecen as bases reguladoras para a concesión, en réxime de concorrencia competitiva, de subvencións relativas ao fomento de novas empresas acuícolas que practiquen unha acuicultura sustentable, cofinanciadas co Fondo Europeo Marítimo e de Pesca (FEMP), e se convocan para o ano 2016 (DOG nº 187 do 30 de setembro de 2016)